ਕੈਨੇਡਾ ਪੁਲਿਸ ਦਾ ਐਲਾਨ, ਪਵਨਪ੍ਰੀਤ ਕੌਰ ਦੇ ਕਤਲ ਵਿੱਚ ਲੋੜੀਂਦੇ ਧਾਲੀਵਾਲ ਨੂੰ ਫੜਾਵੇਗਾ ਉਸ ਨੂੰ ਮਿਲੇਗਾ ਡਾਲਰਾਂ ਵਿੱਚ ਇਨਾਮ 

ਕੈਨੇਡਾ ਦੇ ਬਰੈਂਪਟਨ ਦੀ ਰਹਿਣ ਵਾਲੀ 21 ਸਾਲਾ ਪਵਨਪ੍ਰੀਤ ਕੌਰ ਦਾ 3 ਦਸੰਬਰ 2023 ਨੂੰ ਲਗਭੱਗ 9 ਵਜੇ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਜਿਸ ਤੋਂ ਬਾਅਦ ਪੁਲਿਸ ਵੱਲੋਂ ਕਾਤਲ ਨੂੰ ਲੱਭਣ ਲਈ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਸਨ। ਪੁਲਿਸ ਨੇ ਜਦੋਂ ਡੂੰਘਾਈ ਨਾਲ ਜਾਂਚ ਕੀਤੀ ਤਾਂ 30 ਸਾਲਾ ਧਰਮ ਸਿੰਘ ਧਾਲੀਵਾਲ ਨੂੰ ਪਵਨਪ੍ਰੀਤ ਕੌਰ ਦੇ ਕਤਲ ਕੇਸ ਵਿੱਚ ਨਾਮਜ਼ਦ ਕੀਤਾ ਗਿਆ। ਉਸ ਸਮੇਂ ਤੋਂ ਧਰਮ ਸਿੰਘ ਧਾਲੀਵਾਲ ਫਰਾਰ ਚਲ ਰਿਹਾ ਹੈ। ਕੈਨੇਡਾ ਪੁਲਿਸ ਨੇ ਐਲਾਨ ਕੀਤਾ ਹੈ ਕਿ ਜੋ ਵੀ ਕੋਈ ਪਵਨਪ੍ਰੀਤ ਕੌਰ ਦੇ ਕਤਲ ਦੋਸ਼ਾਂ ਵਿੱਚ ਲੋੜੀਂਦੇ ਧਰਮ ਸਿੰਘ ਧਾਲੀਵਾਲ ਦੀ ਸੂਚਨਾ ਪੁਲਿਸ ਨੂੰ ਦੇਵੇਗਾ ਉਸ ਨੂੰ 50 ਹਜ਼ਾਰ ਡਾਲਰ ਦਾ ਇਨਾਮ ਦਿੱਤਾ ਜਾਵੇਗਾ।