ਬਲਾਤਕਾਰ ਦੇ ਦੋਸ਼ੀ ਪੁੱਤ ਨੂੰ ਬਚਾਉਣ ਲਈ ਪਿਤਾ ਨੇ ਪੁੱਤ ਮੁਰਦਾ ਸਾਬਤ ਕਰਕੇ ਚਿਖਾ ਤੇ ਪਾ ਕੇ ਫੋਟੋ ਖਿੱਚ ਕੇ ਭੇਜਿਆ ਥਾਣੇ ਪੁਲਿਸ ਨੇ ਕੇਸ ਕੀਤਾ ਰਾਫਾ ਦਾਫਾ। ਮਿਲੀ ਜਾਣਕਾਰੀ ਭਾਗਲਪੁਰ ਵਿੱਚ ਇੱਕ ਟੀਚਰ ਨੇ ਚਾਰ ਸਾਲ ਪਹਿਲਾਂ ਨਾਬਾਲਗ ਲੜਕੀ ਨਾਲ ਬਲਾਤਕਾਰ ਕੀਤਾ ਸੀ। ਜਿਸ ਤੋਂ ਪੁਲਿਸ ਨੇ ਟੀਚਰ ਤੇ ਮਾਮਲਾ ਦਰਜ ਕਰ ਦਿੱਤਾ ਸੀ ਪਰ ਪੁਲਿਸ ਦੀ ਗ੍ਰਿਫਤ ਤੋਂ ਬਾਹਰ ਸੀ। ਤੁਹਾਨੂੰ ਦੱਸ ਦਈਏ ਭਾਗਲਪੁਰ ਪੀਰਪੇਂਟੀ ਦੇ ਈਸ਼ੀਪੁਰ ਬਾਰਾਤ ਦੇ ਰਹਿਣ ਵਾਲੇ ਅਧਿਆਪਕ ਨੀਰਜ ਮੋਦੀ ਨੇ ਸਾਲ 2018 ਵਿੱਚ ਆਪਣੇ ਸਕੂਲ ਦੀ ਇੱਕ ਨਾਬਾਲਗ ਵਿਦਿਆਰਥਣ ਨਾਲ ਬਲਾਤਕਾਰ ਕੀਤਾ ਸੀ। ਇਸ ਤੋਂ ਬਾਅਦ ਇਸ ਮਾਮਲੇ ਵਿੱਚ ਪੋਕਸੋ ਐਕਟ ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ। ਸਜ਼ਾ ਤੋਂ ਬਚਣ ਲਈ ਅਧਿਆਪਕ ਨੇ ਆਪਣੀ ਹੀ ਮੌਤ ਦਾ ਝੂਠਾ ਡਰਾਮਾ ਰਚਿਆ। ਇਸ ਨਾਟਕ ਵਿੱਚ ਮੁਲਜ਼ਮ ਦੇ ਪਿਤਾ ਰਾਜਾਰਾਮ ਮੋਦੀ ਵੀ ਨਾਲ ਸਨ।
ਪੁਲਿਸ, ਬੀਡੀਓ, ਪੀੜਤ ਪਰਿਵਾਰ ਅਤੇ ਇੱਥੋਂ ਤੱਕ ਕਿ ਅਦਾਲਤ ਨੂੰ ਵੀ ਗੁੰਮਰਾਹ ਕੀਤਾ। ਪਿਤਾ ਨੇ ਚਿਖਾ ‘ਤੇ ਪਏ ਆਪਣੇ ਜਿਉਂਦੇ ਪੁੱਤਰ ਦੀ ਫੋਟੋ ਖਿੱਚੀ ਤਾਂ ਜੋ ਸਾਬਤ ਹੋ ਸਕੇ ਕਿ ਉਹ ਮਰ ਚੁੱਕਾ ਹੈ। ਲੱਕੜ ਦਾ ਬਿੱਲ ਵੀ ਬਣਾਇਆ। ਰਸੀਦ ਦੇ ਆਧਾਰ ‘ਤੇ ਬੀ.ਡੀ.ਓ. ਨੂੰ ਗੁੰਮਰਾਹ ਕਰਕੇ ਪੁੱਤਰ ਦੀ ਮੌਤ ਦਾ ਸਰਟੀਫਿਕੇਟ ਬਣਾ ਦਿੱਤਾ ਗਿਆ।
ਫਿਰ ਉਸ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਇਸ ਤੋਂ ਬਾਅਦ ਅਦਾਲਤ ਨੇ ਮੁਲਜ਼ਮ ਨੂੰ ਮ੍ਰਿਤਕ ਮੰਨਦਿਆਂ ਕੇਸ ਦੀ ਫਾਈਲ ਬੰਦ ਕਰ ਦਿੱਤੀ। ਇਸ ਤੋਂ ਬਾਅਦ ਮੁਲਜ਼ਮ ਗਾਇਬ ਹੋ ਗਿਆ। ਇਸ ਤਰ੍ਹਾਂ ਦੋਸ਼ੀ ਅਤੇ ਉਸਦੇ ਪਿਤਾ ਨੇ ਪੁਲਿਸ, ਬੀਡੀਓ, ਅਦਾਲਤ ਅਤੇ ਪੀੜਤ ਪਰਿਵਾਰ ਸਭ ਨੂੰ ਗੁੰਮਰਾਹ ਕੀਤਾ।
ਇੱਥੇ ਪੀੜਤ ਮਾਂ ਆਪਣੀ ਧੀ ਨੂੰ ਇਨਸਾਫ ਦਿਵਾਉਣ ਲਈ ਚੁੱਪ ਨਹੀਂ ਰਹੀ। ਉਸ ਨੂੰ ਸ਼ੱਕ ਸੀ ਕਿ ਉਸ ਦੀ ਧੀ ਦਾ ਮੁਲਜ਼ਮ ਅਜੇ ਜਿਊਂਦਾ ਹੈ। ਪੀੜਤ ਦੀ ਮਾਂ ਨੂੰ ਪਤਾ ਸੀ ਕਿ ਮੁਲਜ਼ਮ ਦੇ ਪਿਤਾ ਨੇ ਆਪਣੇ ਪੁੱਤਰ ਨੂੰ ਬਚਾਉਣ ਲਈ ਕੋਈ ਚਾਲ ਖੇਡੀ ਸੀ। ਜਿਸ ਤੋਂ ਬਾਅਦ ਪੀੜਤਾ ਦੀ ਮਾਂ ਨੇ ਬੀਡੀਓ ਨੂੰ ਸ਼ਿਕਾਇਤ ਕੀਤੀ ਕਿ ਉਸ ਦੇ ਦਫ਼ਤਰ ਤੋਂ ਝੂਠਾ ਮੌਤ ਦਾ ਸਰਟੀਫਿਕੇਟ ਬਣਾਇਆ ਗਿਆ ਹੈ।
ਇਸ ਤੋਂ ਬਾਅਦ ਬੀ.ਡੀ.ਓ ਨੇ ਇਸ ਮਾਮਲੇ ਸਬੰਧੀ ਜਾਂਚ ਦਾ ਗਠਨ ਕੀਤਾ। ਇਹ ਮਾਮਲਾ ਇਸ ਸਾਲ 21 ਮਈ ਨੂੰ ਸਾਹਮਣੇ ਆਇਆ ਸੀ, ਜਿਸ ਤੋਂ ਬਾਅਦ ਅਧਿਆਪਕ ਦੇ ਪਿਤਾ ਖਿਲਾਫ ਧੋਖਾਧੜੀ ਦਾ ਮਾਮਲਾ ਦਰਜ ਕੀਤਾ ਗਿਆ ਸੀ। 24 ਘੰਟਿਆਂ ਦੇ ਅੰਦਰ ਉਸ ਦੇ ਪਿਤਾ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਫਿਰ ਬੀਡੀਓ ਨੇ ਮੁਲਜ਼ਮ ਦਾ ਮੌਤ ਦਾ ਸਰਟੀਫਿਕੇਟ ਰੱਦ ਕਰ ਦਿੱਤਾ। ਇਸ ਦੇ ਨਾਲ ਹੀ ਧੋਖਾਧੜੀ ਦੇ ਮਾਮਲੇ ਵਿੱਚ ਪਿਤਾ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ। ਮੁਲਜ਼ਮ ਦਾ ਪਿਤਾ ਹਾਲੇ ਜੇਲ੍ਹ ਵਿੱਚ ਹੈ।
ਆਪਣੇ ਪਿਤਾ ਦੇ ਜੇਲ੍ਹ ਜਾਣ ਤੋਂ ਬਾਅਦ ਦੋਸ਼ੀ ਨੀਰਜ ਆਪਣੇ ਆਪ ਨੂੰ ਜ਼ਿਆਦਾ ਦੇਰ ਤੱਕ ਰੂਪੋਸ਼ ਨਹੀਂ ਕਰ ਸਕਿਆ। ਸੋਮਵਾਰ ਨੂੰ ਅਦਾਲਤ ‘ਚ ਪਹੁੰਚ ਕੇ ਆਤਮ-ਸਮਰਪਣ ਕਰ ਦਿੱਤਾ। ਇਸ ਤੋਂ ਬਾਅਦ ਦੋਸ਼ੀ ਨੀਰਜ ਨੂੰ ਫਿਲਹਾਲ ਨਿਆਂਇਕ ਹਿਰਾਸਤ ‘ਚ ਭੇਜ ਦਿੱਤਾ ਗਿਆ ਹੈ।