PUNJAB
INDIA
WORLD
ਪੰਜਾਬ ਦੇ ਮੋਗਾ ਜ਼ਿਲ੍ਹੇ ਵਿੱਚ ਸਿਆਸੀ ਹਲਚਲ ਫਿਰ ਹੋਈ। ਪਿਛਲੇ ਸਮੇਂ ਸਵਰਗੀ ਜਥੇਦਾਰ ਤੋਤਾ ਸਿੰਘ ਦੇ ਸਪੁੱਤਰ ਬਰਜਿੰਦਰ ਸਿੰਘ ਮੱਖਣ ਬਰਾੜ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਨੂੰ ਛੱਡ ਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਬਣਾਈ ਕਮੇਟੀ ਨਾਲ ਸ਼ਾਮਲ ਹੋ ਗਏ ਸਨ। ਹੁਣ ਜਦੋਂ ਉਨ੍ਹਾਂ ਦੀ ਸਤਾ ਪੂਰਤੀ ਨਾ ਹੁੰਦੀ ਦਿਸੀ ਤਾਂ ਉਨ੍ਹਾਂ ਬੀਤੇ ਦਿਨੀਂ,ਪੁਨਰ ਸੁਰਜੀਤੀ ਅਕਾਲੀ ਦਲ ਦੇ ਪ੍ਰਧਾਨ ਗਿਆਨੀ ਹਰਪ੍ਰੀਤ ਸਿੰਘ, ਅਤੇ ਸੀਨੀਅਰ ਅਕਾਲੀ ਆਗੂ ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ ਤੇ ਵੱਡੇ ਆਰੋਪ ਲਗਾ ਕੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮ ਫੇਸਬੁੱਕ ਤੇ ਅਸਤੀਫਾ ਦੇ ਦਿੱਤਾ ਸੀ। ਉਸ ਤੋਂ ਬਾਅਦ ਲੋਕਾਂ ਵਿੱਚ ਇਹ ਹੀ ਚਰਚਾ ਚੱਲ ਪਈ ਸੀ,ਕਿ ਮੱਖਣ ਬਰਾੜ ਦੁਬਾਰਾ ਫਿਰ ਸੁਖਬੀਰ ਸਿੰਘ ਬਾਦਲ ਦੀ ਅਗਵਾਈ ਕਬੂਲਣ ਲਈ ਤਿਆਰ ਹੋ ਗਏ ਹਨ।
ਅੱਜ ਬਰਜਿੰਦਰ ਸਿੰਘ ਮੱਖਣ ਬਰਾੜ ਨੇ ਸੁਖਬੀਰ ਸਿੰਘ ਬਾਦਲ ਦੇ ਘਰ ਪਹੁੰਚ ਕੇ ਆਪਣੇ ਗਲ ਵਿੱਚ ਘਰ ਵਾਪਸੀ ਵਾਲਾ ਸਿਰੋਪਾ ਪਵਾ ਲਿਆ ਹੈ। ਇਸ ਤੋਂ ਅੱਗੇ ਜਾ ਕੇ ਮੱਖਣ ਬਰਾੜ ਦੀ ਪਾਰਟੀ ਵਿੱਚ ਕਿਸਤਰ੍ਹਾਂ ਦੀ ਭੂਮਿਕਾ ਰਹੇਗੀ ਉਹ ਸਮੇਂ ਦੇ ਗਰਭ ਵਿੱਚ ਹੈ।
ਤੁਹਾਨੂੰ ਦੱਸ ਦਈਏ ਕਿ ਸੁਖਬੀਰ ਸਿੰਘ ਬਾਦਲ ਨੇ ਬਰਜਿੰਦਰ ਸਿੰਘ ਮੱਖਣ ਬਰਾੜ ਦੀ ਵਾਪਸੀ ਨੂੰ ਲੈਕੇ ਕੋਈ ਵੱਡਾ ਪ੍ਰੋਗਰਾਮ ਨਹੀਂ ਰੱਖਿਆ, ਸਿਰਫ ਫਾਰਮੈਲਟੀ ਪੂਰੀ ਕਰਦਿਆਂ ਚਾਰ ਬੰਦੇ ਨਾਲ ਖੜ੍ਹੇ ਕਰਕੇ ਸਿਰੋਪਾ ਦਿੱਤਾ ਤੇ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਵਿੱਚ ਸ਼ਾਮਲ ਕਰ ਲਿਆ ਹੈ। ਜਦੋਂ ਅਸੀਂ ਕੁੱਝ ਸਿਆਸੀ ਮਾਹਿਰਾਂ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਜਿਹੜੇ ਲੋਕ ਪਹਿਲਾਂ ਸਤਾ ਦਾ ਅਨੰਦ ਮਾਣ ਚੁੱਕੇ ਹਨ। ਉਹ ਦੁਬਾਰਾ ਸਤਾ ਵਿੱਚ ਵਾਪਸੀ ਲਈ ਤਰਲੋ ਮੱਛੀ ਹੋ ਰਹੇ ਹਨ । ਇਸ ਕਰਕੇ ਉਹ ਲੋਕ ਹਰ ਥਾਂ ਹੱਥ ਪੱਲੇ ਮਾਰਦੇ ਹੈ, ਕਿਸੇ ਵੀ ਤਰੀਕੇ ਨਾਲ ਸਤਾ ਮਿਲ ਜਾਵੇ। ਉਨ੍ਹਾਂ ਵੀ ਦੱਸਿਆ ਕਿ
ਪਿਛਲੇ ਦਿਨੀਂ ਸੁਖਬੀਰ ਸਿੰਘ ਬਾਦਲ ਨੇ ਇੱਕ ਕਾਨਫਰੰਸ ਦੌਰਾਨ ਆਪਣੇ ਉਨ੍ਹਾਂ ਵਰਕਰਾਂ ਨੂੰ ਸੰਬੋਧਨ ਦੌਰਾਨ ਦੱਸਿਆ ਸੀ ਕਿ ਜਿਹੜੇ ਲੋਕ ਜਿਹੜੀ ਸਪੀਡ ਨਾਲ ਪਾਰਟੀ ਛੱਡ ਕੇ ਗਏ ਸੀ,ਉਹ ਹੁਣ ਉਸੇ ਸਪੀਡ ਨਾਲ ਵਾਪਸ ਆਉਂਦੇ ਪਏ ਹਨ, ਤੇ ਬਾਦਲ ਪਿੰਡ ਘਰ ਦੇ ਗੇਟ ਅੱਗੇ ਖੜ੍ਹੇ ਹੁੰਦੇ ਹਨ। ਇਹ ਗੱਲ ਬਾਦਲ ਦੀ ਸਹੀ ਨਿਕਲੀ ਤੇ ਵਾਕਿਆ ਹੀ ਸਤਾ ਦੇ ਲਾਲਚੀ ਲੋਕ ਬਾਦਲ ਪਿੰਡ ਪਹੁੰਚ ਕੇ ਸੁਖਬੀਰ ਸਿੰਘ ਬਾਦਲ ਤੋਂ ਸਿਰੋਪਾਓ ਲੈ ਰਹੇ ਹਨ।
