PUNJAB
INDIA
WORLD
ਪਿਛਲੇ ਕਈ ਦਿਨਾਂ ਤੋਂ ਚੱਲ ਰਹੀ ਅਮਰੀਕਾ ਅਤੇ ਈਰਾਨ, ਇਜ਼ਰਾਈਲ ਜੰਗ ਦੋ ਹਫ਼ਤਿਆਂ ਲਈ ਬੰਦ ਕਰਨ ਨੂੰ ਲੈਕੇ ਸਹਿਮਤੀ ਹੋ ਗਈ ਹੈ। ਜੰਗਬੰਦੀ ਕਰਵਾਉਣ ਲਈ ਪਾਕਿਸਤਾਨ ਨੇ ਦੋਵਾਂ ਧਿਰਾਂ ਵਿਚਕਾਰ ਵਿਚੋਲਗੀ ਦੀ ਜ਼ਿੰਮੇਵਾਰੀ ਲਈ ਹੈ, ਭਾਵ ਸਮਝੌਤੇ ‘ਤੇ ਗੱਲਬਾਤ 10 ਅਪ੍ਰੈਲ ਨੂੰ ਇਸਲਾਮਾਬਾਦ ਵਿੱਚ ਸ਼ੁਰੂ ਹੋਵੇਗੀ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ 7 ਅਪ੍ਰੈਲ ਦੀ ਸਮਾਂ ਸੀਮਾ ਤੋਂ ਪਹਿਲਾਂ ਜੰਗਬੰਦੀ ਦਾ ਐਲਾਨ ਕੀਤਾ। ਇਜ਼ਰਾਈਲ ਅਤੇ ਹਿਜ਼ਬੁੱਲਾ ਇੱਕ ਦੂਜੇ ‘ਤੇ ਹਮਲਾ ਕਰਨ ਤੋਂ ਵੀ ਗੁਰੇਜ਼ ਕਰਨਗੇ।
ਈਰਾਨ ਅਤੇ ਅਮਰੀਕਾ ਵਿਚਕਾਰ ਜੰਗਬੰਦੀ ਲਈ 10 ਸ਼ਰਤਾਂ
ਇਰਾਨ ਦੀ ਸੁਪਰੀਮ ਨੈਸ਼ਨਲ ਕੌਂਸਲ ਨੇ ਟਰੰਪ ਦੇ ਪੋਸਟ ‘ਤੇ ਪ੍ਰਤੀਕਿਰਿਆ ਦਿੱਤੀ। ਉਨ੍ਹਾਂ ਕਿਹਾ ਕਿ ਦੁਸ਼ਮਣ ਨੂੰ ਈਰਾਨ ਵਿਰੁੱਧ ਆਪਣੀ ਬੇਇਨਸਾਫ਼ੀ, ਗੈਰ-ਕਾਨੂੰਨੀ ਅਤੇ ਅਪਰਾਧਿਕ ਜੰਗ ਵਿੱਚ ਇਤਿਹਾਸਕ ਅਤੇ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਅਮਰੀਕਾ ਨੂੰ ਈਰਾਨ ਦੇ 10-ਨੁਕਾਤੀ ਪ੍ਰਸਤਾਵ ਨੂੰ ਸਵੀਕਾਰ ਕਰਨ ਲਈ ਮਜਬੂਰ ਹੋਣਾ ਪਿਆ।
ਈਰਾਨ ਨੂੰ ਅਮਰੀਕਾ ਨਾਲ ਜੰਗਬੰਦੀ ਲਈ ਸਹਿਮਤ ਹੋਣ ਲਈ 10 ਸ਼ਰਤਾਂ ਇਸ ਪ੍ਰਕਾਰ ਹਨ:
- ਹਮਲੇ ਨਾ ਕਰਨ ਦਾ ਸਮਝੌਤਾ
- ਸਟ੍ਰੇਟ ਆਫ ਹੋਰਮੁਜ਼ ’ਤੇ ਈਰਾਨ ਦਾ ਕੰਟਰੋਲ ਜਾਰੀ ਰਹੇਗਾ
- ਯੂਰੇਨੀਅਮ Enrichment ਨੂੰ ਸਵੀਕਾਰ ਕਰਨਾ
- ਈਰਾਨ ’ਤੇ ਲੱਗੀਆਂ ਸਾਰੀਆਂ ਪ੍ਰਾਇਮਰੀ ਪਾਬੰਦੀਆਂ ਹਟਾਉਣਾ
- ਸਾਰੀਆਂ ਸੈਕੰਡਰੀ ਪਾਬੰਦੀਆਂ ਵੀ ਖ਼ਤਮ ਕਰਨਾ
- United Nations Security Council ਦੇ ਸਾਰੇ ਮਤਿਆਂ ਨੂੰ ਖ਼ਤਮ ਕਰਨਾ
- International Atomic Energy Agency ਦੇ ਬੋਰਡ ਆਫ਼ ਗਵਰਨਰਜ਼ ਦੇ ਸਾਰੇ ਮਤਿਆਂ ਨੂੰ ਖਤਮ ਕਰਨਾ
- ਈਰਾਨ ਨੂੰ ਮੁਆਵਜ਼ਾ ਦੇਣਾ
- ਖੇਤਰ ਤੋਂ ਅਮਰੀਕੀ ਲੜਾਕੂ ਫੌਜ਼ਾਂ ਦੀ ਵਾਪਸੀ
- ਸਾਰੇ ਮੋਰਚਿਆਂ ’ਤੇ ਜੰਗ ਖਤਮ ਕਰਨਾ, ਜਿਸ ’ਚ ਲੇਬਨਾਨ ਦੀ ਇਸਲਾਮਿਕ Resistance ਖਿਲਾਫ ਕਾਰਵਾਈਆਂ ਸ਼ਾਮਲ
