PUNJAB
INDIA
WORLD
ਕੋਟਕਪੂਰਾ ਮੁਕਤਸਰ ਰੋਡ ਤੇ ਬੀਤੀ ਰਾਤ ਪਿੰਡ ਵੜਿੰਗ ਨੇੜੇੇ ਦੋ ਕਾਰਾਂ ਦੀ ਭਿਆਨਕ ਆਹਮੋ ਸਾਹਮਣੇ ਟੱਕਰ ਹੋਣ ਨਾਲ ਮੋਗਾ ਜਿਲ੍ਹਾ ਦੇ ਧਰਮਕੋਟ ਦੇ ਰਹਿਣ ਵਾਲੇ ਮਾਂ ਪੁੱਤ ਦੀ ਮੌਤ ਹੋਣ ਦਾ ਖਬਰ ਮਿਲੀ ਹੈ । ਮਿਲੀ ਜਾਣਕਾਰੀ ਮੁਤਾਬਿਕ ਬਿਤੀ ਰਾਤ ਜਗਸੀਰ ਸਿੰਘ ਆਪਣੇ ਪਰਿਵਾਰ ਨਾਲ ਸ੍ਰੀ ਮੁਕਤਸਰ ਸਾਹਿਬ ਤੋਂ ਵਾਪਸ ਮੋਗਾ ਧਰਮਕੋਟ ਨੂੰ ਆ ਰਿਹਾ ਸੀ । ਜਿਸ ਦੌਰਾਨ ਸਾਹਮਣੇ ਤੋਂ ਤੇਜ ਰਫਤਾਰ ਆਉਦੀ ਕਾਰ ਨਾਲ ਸਿੱਧੀ ਟੱਕਰ ਹੋਣ ਨਾਲ ਮੌਕੇ ਤੇ ਜਗਸੀਰ ਸਿੰਘ ਅਤੇੇ ਉਨ੍ਹਾਂ ਦੀ ਮਾਤਾ ਪ੍ਰਮਜੀਤ ਕੌਰ ਦੀ ਮੌਤ ਹੋ ਗਈ ਤੇ ਨਾਲ ਬੈਠੀ ਜਗਸੀਰ ਸਿੰਘ ਦੀ ਪਤਨੀ ਤੇ ਬੇਟੀ ਗਭੀਰ ਜਖਮੀ ਹੋ ਗਈਆਂ।ਦੂਜੇ ਪਾਸੇ ਗੱਡੀ ਦਾ ਚਾਲਕ ਭਗਵੰਤ ਸਿੰਘ ਸਿੱਧੂ ਗਭੀਰ ਰੂਪ ਵਿੱਚ ਜਖਮੀ ਦੱਸਿਆ ਜਾ ਰਿਹਾ ਹੈ। ਮ੍ਰਿਤਕ ਜਗਸੀਰ ਸਿੰਘ ਜਥੇਦਾਰ ਤੋਤਾ ਸਿੰਘ ਦੇ ਨਾਲ ਬਤੌਰ ਪੀਏ ਲੱਗਾ ਹੋਇਆ ਸੀ ।
ਸੁੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਦੋਹਾਂ ਕਾਰਾ ਦੀ ਟੱਕਰ ਏਨੀ ਜਬਰਦਸਤ ਸੀ ਕਿ ਮੁਕਤਸਰ ਤੋ ਕੋਟਕਪੂਰਾ ਵੱਲ ਨੂੰ ਜਾ ਰਹੀ ਫੋਰਡ ਆਈ ਕੋਨ ਗੱਡੀ ਨੰ. PB 10 DA 0945 ਜਿਸਦੇ ਕਿ ਪਰਖਚੇ ਉੱਡ ਗਏ ਜਿਸ ਵਿੱਚ ਮ੍ਰਿਤਕ ਜਗਸੀਰ ਸਿੰਘ ਉਸ ਦੀ ਮਾਤਾ ਪਰਮਜੀਤ ਕੌਰ ਅਤੇ ਉਨ੍ਹਾਂ ਦੀ ਪਤਨੀ ਤੇ ਬੇਟੀ ਸਵਾਰ ਸਨ ਤੇ ਉਨ੍ਹਾਂ ਦੀ ਪਤਨੀ ਤੇ ਬੇਟੀ ਗੰਭੀਰ ਰੂਪ ਵਿੱਚ ਜਖ਼ਮੀ ਹੋ ਗਏ ਨੇ ਜਿਨ੍ਹਾਂ ਨੂੰ ਇਲਾਜ ਲਈ ਸ੍ਰੀ ਮੁਕਤਸਰ ਸਾਹਿਬ ਦੇ ਨਿੱਜੀ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ।
ਦੁਸਰੇ ਪਾਸੇ ਹਯੁੰਡਾਈ ਵਰਨਾ ਕਾਰ ਨੰ. PB 13 AA 0084 ਜੋ ਕਿ ਕੋਟਕਪੂਰਾ ਤੋ ਮੁਕਤਸਰ ਵੱਲ ਆ ਰਹੀ ਸੀ, ਜਿਸਨੂੰ ਕਿ ਭਗਵੰਤ ਸਿੰਘ ਸਿੱਧੂ ਨਾਂ ਦਾ ਵਿਅਕਤੀ ਚਲਾ ਰਿਹਾ ਸੀ ਜਿਸਦੀ ਕਿ ਗੱਡੀ ਵਿੱਚੋਂ ਮਿਲੇ ਵਿਜਿਟਿੰਗ ਕਾਰਡ ਤੋਂ ਪਹਿਚਾਣ ਹੋਈ ਹੈ।
ਫਿਲਹਾਲ ਥਾਣਾ ਮੰਡੀ ਬਰੀ ਵਾਲਾ ਪੁਲੀਸ ਵੱਲੋਂ ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਪੋਸਟ ਮਾਰਟਮ ਲਈ ਸਿਵਲ ਹਸਪਤਾਲ ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਰਖਵਾ ਦਿੱਤਾ ਗਿਆ ਹੈ ਤੇ ਇਸ ਮਾਮਲੇ ਦੀ ਗਹਿਰਾਈ ਦੇ ਨਾਲ ਜਾਂਚ ਕਰ ਰਹੀ ਜਾ ਰਹੀ ਹੈ।
