PUNJAB
INDIA
WORLD
200 ਸਾਲ ਪਹਿਲਾਂ ਸਮੁੰਦਰ ਵਿੱਚ ਡੁੱਬੇ ਦੋ ਸਮੁੰਦਰੀ ਜਹਾਜ਼ ਖੋਜਕਰਤਾਵਾਂ ਨੂੰ ਮਿਲੇ ਜਿਨ੍ਹਾਂ ਵਿੱਚੋਂ ਅਰਬਾਂ ਡਾਲਰ ਦਾ ਸੋਨਾ ਮਿਲਿਆ ਹੈ। ਵਾਸ਼ਿੰਗਟਨ ਪੋਸਟ ਦੀ ਰਿਪੋਰਟ ਮੁਤਾਬਕ ਕਰੀਬ 300 ਸਾਲ ਪਹਿਲਾਂ ਸੈਨ ਜੋਸ ਜੰਗੀ ਬੇੜਾ ਡੁੱਬ ਗਿਆ ਸੀ ਜਿਸ ਦੀ ਲਗਾਤਾਰ ਖੋਜ ਹੁੰਦੀ ਰਹਿੰਦੀ ਸੀ। ਉਸ ਦੌਰਾਨ ਖੋਜਕਰਤਾਵਾਂ ਨੂੰ ਡੁੱਬੇ ਸੈਨ ਜੋਸ ਜੰਗੀ ਬੇੜੇ ਦੇ ਕੋਲ ਦੋ ਹੋਰ ਡੁੱਬੇ ਹੋਏ ਸੁਮੰਦਰੀ ਜਹਾਜ਼ ਮਿਲੇ ਹਨ । ਜਿਸ ਤੋਂ ਬਾਅਦ ਖੋਜਕਰਤਾਵਾਂ ਨੇ ਬਹੁਤ ਵੱਡੀ ਖਬਰ ਸਾਹਮਣੇ ਲਿਆਂਦੀ ਹੈ।
ਖੋਜਕਰਤਾਵਾਂ ਨੇ ਖੁਲਾਸਾ ਕੀਤਾ ਕਿ ਡੁੱਬੇ ਦੋ ਜਹਾਜ਼ਾਂ ਵਿੱਚ 17 ਅਰਬ ਡਾਲਰ ਦਾ ਸੋਨਾ ਲੱਦਿਆ ਹੋਇਆ ਸੀ। 62-ਬੰਦੂਕਾਂ ਵਾਲੇ ਸੈਨ ਜੋਸ ਬੈਟਲਸ਼ਿਪ ਨੂੰ ਬ੍ਰਿਟਿਸ਼ ਦੁਆਰਾ 1708 ਵਿੱਚ ਡੁਬੋ ਦਿੱਤਾ ਗਿਆ ਸੀ।
2015 ਵਿੱਚ ਜਹਾਜ਼ ਨੂੰ ਖੋਜਕਰਤਾਵਾਂ ਨੇ ਲੱਭ ਲਿਆ ਸੀ ਪਰ ਹੁਣ ਸਪੇਨ ਦੀ ਸਰਕਾਰ ਨੇ ਜਹਾਜ਼ ਦੇ ਮਲਬੇ ਦੀ ਫੁਟੇਜ ਜਾਰੀ ਕੀਤੀ ਹੈ। ਸਮੁੰਦਰ ਦੀ ਸਤ੍ਹਾ ‘ਤੇ ਇੱਕ ਰਿਮੋਟ ਕੰਟਰੋਲ ਯੰਤਰ ਦੁਆਰਾ ਲਏ ਗਏ ਮਲਬੇ ਦੀ ਫੁਟੇਜ ਵਿੱਚ ਕਈ ਕੀਮਤੀ ਵਸਤੂਆਂ ਅਤੇ ਕੁਝ ਪੀਲੇ ਰੰਗ ਦੇ ਸਿੱਕੇ ਦੇਖੇ ਜਾ ਸਕਦੇ ਹਨ।
ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਮੁੱਖ ਜਹਾਜ਼ ਦੇ ਕੋਲ ਇੱਕ ਕਿਸ਼ਤੀ ਅਤੇ ਇੱਕ ਸਕੂਨਰ ਹੈ। ਵਾਸ਼ਿੰਗਟਨ ਪੋਸਟ ਨੇ ਇਕ ਰਿਪੋਰਟ ‘ਚ ਦਾਅਵਾ ਕੀਤਾ ਹੈ ਕਿ ਸਮੁੰਦਰ ‘ਚ ਡੁੱਬੇ ਦੋਵੇਂ ਜਹਾਜ਼ ਕਰੀਬ 200 ਸਾਲ ਪੁਰਾਣੇ ਹਨ। ਉਨ੍ਹਾਂ ਦੀ ਭਾਲ ਲਈ ਦੇਸ਼ ਦੇ ਕੈਰੇਬੀਅਨ ਤੱਟ ਤੋਂ 31,000 ਫੁੱਟ ਦੀ ਡੂੰਘਾਈ ਤੱਕ ਰਿਮੋਟ ਨਾਲ ਚੱਲਣ ਵਾਲੇ ਵਾਹਨ ਨੂੰ ਭੇਜਿਆ ਗਿਆ ਸੀ।
ਸੋਨੇ ਦੇ ਸਿੱਕੇ ਸਤ੍ਹਾ ‘ਤੇ ਖਿੱਲਰੇ ਹੋਏ ਮਿਲੇ
ਰਿਪੋਰਟ ਵਿੱਚ ਕਿਹਾ ਗਿਆ ਸੀ ਕਿ ਜਹਾਜ਼ ਦੇ ਆਲੇ-ਦੁਆਲੇ ਪੀਲੇ ਸਿੱਕਿਆਂ ਦੀ ਸ਼ਕਲ ਵਿੱਚ ਪੋਰਸਿਲੇਨ ਦੇ ਭਾਂਡੇ, ਕੱਪ ਅਤੇ ਵਸਤੂਆਂ ਹਨ। ਉਮੀਦ ਜਤਾਈ ਜਾ ਰਹੀ ਹੈ ਕਿ ਇਹ ਪੀਲੇ ਰੰਗ ਦੇ ਪਦਾਰਥ ਸੋਨੇ ਦੇ ਸਿੱਕੇ ਹੋ ਸਕਦੇ ਹਨ। ਸਾਰੀ ਸਤ੍ਹਾ ‘ਤੇ ਸਾਮਾਨ ਪੂਰੀ ਤਰ੍ਹਾਂ ਖਿੱਲਰਿਆ ਪਿਆ ਹੈ।
ਨਿਊਜ਼ਵੀਕ ਮੁਤਾਬਕ ਸਮੁੰਦਰ ਦੇ ਹੇਠਾਂ ਕਈ ਸਦੀਆਂ ਬਿਤਾਉਣ ਦੇ ਬਾਵਜੂਦ ਜਹਾਜ਼ ਦਾ ਇਕ ਹਿੱਸਾ ਅਤੇ ਉਸ ਦਾ ਸਮਾਨ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ। ਸਮੁੰਦਰ ਦੇ ਤਲ ਦੇ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਜਹਾਜ਼ ਦੇ ਮਲਬੇ ਉੱਤੇ ਇੱਕ ਤੋਪ ਵੀ ਮੌਜੂਦ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਜਲ ਸੈਨਾ ਅਤੇ ਸਰਕਾਰ ਦਾ ਪੁਰਾਤੱਤਵ ਵਿਭਾਗ ਮਲਬੇ ‘ਤੇ ਸ਼ਿਲਾਲੇਖਾਂ ਦੇ ਆਧਾਰ ‘ਤੇ ਪਲੇਟਾਂ ਦੇ ਮੂਲ ਦਾ ਪਤਾ ਲਗਾਉਣ ਲਈ ਕੰਮ ਕਰ ਰਿਹਾ ਹੈ।
