ਪਿੰਡ ਬੰਬੀਹਾ ਭਾਈ ਵਿਚ ਘਰ ਉੱਪਰ ਚਲੀਆਂ ਗੋਲੀਆਂ ਦਾ ਹੋਇਆ ਪਰਦਾਫਾਸ਼ , ਘਰ ਵਾਲਿਆਂ ਨੇ ਖੁੱਦ ਹੀ ਕੀਤੀ ਸੀ ਫਾਇਰਿੰਗ

ਜਿਲ੍ਹਾ ਮੋਗਾ ਦੇ ਪਿੰਡ ਬੰਬੀਹਾ ਵਿਖੇ ਪਿਛਲੇ ਦਿਨੀਂ ਇਕ ਘਰ ਉੱਪਰ ਗੋਲੀਆਂ ਚੱਲਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਸੀ. ਜਿਸ ਦੌਰਾਨ ਵੱਖ ਵੱਖ ਪਹਿਲੂਆਂ ਤੋਂ ਬਾਘਾਪੁਰਾਣਾ ਸੀ.ਆਈ.ਏ. ਸਟਾਫ ਵਲੋਂ ਜਾਂਚ ਕੀਤੀ ਜਾ ਰਹੀ ਸੀ. ਜਾਂਚ ਦੌਰਾਨ ਇਹ ਵੱਡਾ ਖੁਲਾਸਾ ਹੋਇਆ ਹੈ ਕਿ ਉਕਤ ਤਰਲੋਚਨ ਸਿੰਘ ਜਿਸਦੇ ਘਰ ਉਪਰ ਗੋਲੀਆਂ ਚੱਲੀਆਂ ਸਨ ,ਉਹ ਖੁਦ ਹੀ ਇਸ ਸਾਰੀ ਘਟਨਾ ਲਈ ਜਿੰਮੇਵਾਰ ਹੈ. ਉਕਤ ਤਰਲੋਚਨ ਸਿੰਘ ਨੇ ਅਸਲੇ ਦਾ ਲਾਇਸੈਂਸ ਬਣਾਉਣ ਲਈ ਇਸ ਘਟਨਾ ਨੂੰ ਅੰਜਾਮ ਦਿੱਤਾ । ਇਸ ਸਬੰਧੀ ਅਸੀਂ ਘਰ ਦੇ ਮਾਲਕ ਤਰਲੋਚਨ ਸਿੰਘ ਦੇ ਪਿਤਾ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਤਰਲੋਚਨ ਸਿੰਘ ਨੂੰ ਇਹ ਸੀ ਕਿ ਮੈਂ ਬਾਹਰ ਚਲਾ ਜਾਣਾ ਹੈ ਤੇ ਮੇਰਾ ਮੁੰਡਾ ਮਗਰੋਂ ਇਕੱਲਾ ਰਹਿ ਜਾਵੇਗਾ ਤੇ ਉਸ ਲਈ ਅਸਲਾ ਲਾਇਸੈਂਸ ਜਲਦੀ ਲੈਣ ਲਈ ਹੀ ਇਹ ਸੱਭ ਕੁੱਝ ਕੀਤਾ ਹੈ। ਤੁਹਾਨੂੰ ਦੱਸ ਦਈਏ ਇਸ ਕੇਸ ਨੂੰ ਮੀਡੀਏ ਨੇ ਗੋਲਡੀ ਬਰਾੜ ਨਾਲ ਜੋੜ ਕੇ ਖਬਰਾਂ ਚਲਾਇਆ ਸੀ ਕਿਉਂਕਿ ਬੰਬੀਹਾ ਪਿੰਡ ਮ੍ਰਿਤਕ ਗੈਂਗਸਟਰ ਦਵਿੰਦਰ ਬੰਬੀਹਾ ਦਾ ਹੈ । ਜਿਸ ਤੋਂ ਬਾਅਦ ਮਨਘੜਤ ਸਟੋਰੀਆਂ ਬਣਾ ਪੇਸ਼ ਕੀਤੀਆਂ ਸਨ ।