ਕਣਕ ਸੜਨ ਨਾਲ ਹੋਏ ਵੱਡੇ ਨੁਕਸਾਨ ਕਰਕੇ ਪੀੜਤ ਪਰਿਵਾਰ ਨੂੰ ਮਿਲਣ ਪਹੁੰਚੇ ਫਰੀਦਕੋਟ ਦੇ ਐਮ ਪੀ ਸਰਬਜੀਤ ਸਿੰਘ ਖਾਲਸਾ

ਬਾਘਾ ਪੁਰਾਣਾ 25 ਅਪ੍ਰੈਲ (ਨਿਰਮਲ ਸਿੰਘ ਕਲਿਆਣ) : ਬਾਘਾ ਪੁਰਾਣਾ ਵਾਸੀ ਦੋ ਸਕੇ ਭਰਾਵਾਂ ਦੀ ਨੱਥੂਵਾਲਾ ਗਰਬੀ ਦੇ ਕਰਬੇ ਵਿੱਚੋਂ ਠੇਕੇ ਉਪਰ ਲਈ 65 ਏਕੜ ਜ਼ਮੀਨ ਵਿੱਚ ਬੀਜੀ ਵੱਢਣ ਯੋਗ ਕਣਕ ਨੂੰ ਗਵਾਂਢੀ ਕਿਸਾਨ ਦੇ ਖੇਤ ਵਿੱਚ ਕਣਕ ਵੱਢ ਰਹੀ ਕੰਬਾਇਨ ਵਿੱਚੋਂ ਸਪਾਰਕ ਹੋਣ ਨਾਲ ਅੱਗ ਲਗ ਗਈ ਸੀ। ਜਿਸ ਕਰਨ ਕਿਸਾਨ ਗੁਰਪ੍ਰੀਤ ਸਿੰਘ ਅਤੇ ਮਨਪ੍ਰੀਤ ਸਿੰਘ ਪੁੱਤਰ ਪ੍ਰਦੱਮਣ ਸਿੰਘ ਦੇ 35 ਏਕੜ ਖੜ੍ਹੀ ਕਣਕ ਸੜਕੇ ਸਵਾਹ ਹੋ ਗਈ। ਉਸ ਮੌਕੇ ਇਕੱਠੇ ਹੋਏ ਕਿਸਾਨਾਂ ਨੇ ਜੱਦੋਜਹਿਦ ਕਰਕੇ ਅੱਗ ਉਪਰ ਕਾਬੂ ਪਾਕੇ ਬਾਕੀ ਰਕਬੇ ਵਿੱਚ ਖੜ੍ਹੀ ਕਣਕ ਨੂੰ ਮੱਚਣ ਤੋਂ ਬਚਾਅ ਲਿਆ। ਬੇਸ਼ੱਕ ਕਣਕ ਨੂੰ ਅੱਗ ਲੱਗਣ ਦਾ ਕਾਰਨ ਬਣੀ ਕੰਬਾਇਨ ਦੇ ਮਾਲਕ ਦੇ ਮਾਲਕ ਨਾਲ ਲਗਭਗ ਚਾਰ ਕੁ ਲੱਖ ਰੁਪਏ ਵਿੱਚ ਸਮਝੋਤਾ ਹੋ ਗਿਆ। ਪ੍ਰੰਤੂ ਖੇਤੀ ਮਾਹਿਰਾਂ ਮੁਤਾਬਕ ਇਨ੍ਹਾਂ ਦੋ ਸਕੇ ਭਰਾਵਾਂ ਨੂੰ ਅੰਦਾਜ਼ਨ ਕਣਕ ਸੜਨ ਨਾਲ ਵੀਹ ਲੱਖ ਰੁਪਏ ਦਾ ਨਾਂ ਪੂਰਾ ਹੋਣ ਵਾਲਾ ਘਾਟਾ ਪਿਆ। ਇਸ ਨਾਲ ਇਲਾਕੇ ਭਰ ਦੇ ਲੋਕਾਂ ਨੇ ਜਿਥੇ ਹਮਦਰਦੀ ਪ੍ਰਗਟ ਕੀਤੀ ਗਈ ਹੈ। ਉਥੇ ਸਰਕਾਰ ਦੇ ਕਿਸੇ ਵੀ ਨੁਮਾਇੰਦੇ ਨੇ ਹਾਅ ਦਾ ਨਾਅਰਾ ਨਹੀਂ ਮਾਰਿਆ। ਪ੍ਰੰਤੂ ਜਦੋਂ ਇਸ ਵੱਡੇ ਨੁਕਸਾਨ ਦੀ ਜਾਣਕਾਰੀ ਫਰੀਦਕੋਟ ਤੋਂ ਐਮ ਪੀ ਸਰਬਜੀਤ ਸਿੰਘ ਖਾਲਸਾ ਨੂੰ ਮਿਲੀ ਤਾਂ ਉਹ ਆਪਣੇ ਪਰਿਵਾਰ ਸਮੇਤ ਅਪਣੇ ਸਮਾਰਥਿਕਾਂ ਨਾਲ ਮੰਡੀਰਾਂ ਵਾਲਾ ਰੋਡ ਬਾਘਾ ਪੁਰਾਣਾ ਵਿਖੇ ਪੀੜਤ ਪਰਿਵਾਰ ਘਰ ਦੇ ਪਹੁੰਚੇ। ਜਿਥੇ ਉਨ੍ਹਾਂ ਨੇ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟ ਕਰਦਿਆਂ ਦੁੱਖ ਸਾਂਝਾ ਕੀਤਾ ਉਥੇ ਹੀ ਸਰਕਾਰਾਂ ਵੱਲੋਂ ਠੋਸ ਖੇਤੀ ਨੀਤੀ ਨਾਂ ਬਣਾਉਣ ਲਈ ਬੂਰੀ ਤਰ੍ਹਾਂ ਕੋਸਿਆ। ਉਨ੍ਹਾਂ ਸਾਡੇ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਸਰਕਾਰਾਂ ਨੇ ਅੱਜ ਤੱਕ ਪੰਜਾਬ ਦੇ ਕਿਸਾਨਾਂ ਦਾ ਕਦੇ ਵੀ ਹੱਥ ਨਹੀਂ ਫੜਿਆ ਸਗੋਂ ਮੁਆਵਜ਼ਾ ਨੀਤੀ ਤਹਿਤ ਵੀ ਕਿਸਮ ਨਾਲ ਸਰਕਾਰਾਂ ਹਮੇਸ਼ਾ ਕੋਝਾ ਮਜ਼ਾਕ ਕਰਦੀਆਂ ਆ ਰਹੀਆਂ ਹਨ। ਉਨ੍ਹਾਂ ਫਰੀਦਕੋਟ ਦੇ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਹੁਣ ਸਾਨੂੰ ਆਪਣੇ ਕਿਸਾਨ ਭਰਾਵਾਂ ਨਾਲ ਖੜ੍ਹਕੇ ਉਨ੍ਹਾਂ ਦਾ ਸਹਿਯੋਗ ਕਰਨ ਦੀ ਲੋੜ ਹੈ। ਅਤੇ ਹਰ ਕਿਸਾਨ ਨੂੰ ਉਨ੍ਹਾਂ ਕਿਸਾਨਾਂ ਲਈ ਆਪਣੇ ਅਨਾਜ ਵਿੱਚੋਂ ਇੱਕ ਇੱਕ ਕੁਇੰਟਲ ਕਣਕ ਕੱਢ ਕੇ ਫਰਾਖਦਿਲੀ ਦਿਖਾਉਂਣੀ ਚਾਹੀਦੀ ਹੈ। ਇਥੇ ਉਨ੍ਹਾਂ ਨੇ ਬੇਵੱਸੀ ਪ੍ਰਗਟ ਕਰਦਿਆਂ ਕਿਹਾ ਮੇਰੇ ਅਧਿਕਾਰ ਖੇਤਰ ਵਿੱਚ ਨਹੀਂ ਕਿ ਮੈਂ ਕਿਸੇ ਵੀ ਵਿਅਕਤੀ ਦੀ ਨਿਜੀ ਤੌਰ ‘ਤੇ ਆਪਣੇ ਅਖਤਿਆਰੀ ਫੰਡ ਵਿੱਚੋਂ ਮੱਦਦ ਕਰ ਸਕਾਂ। ਪ੍ਰੰਤੂ ਮੈਂ ਆਪਣੇ ਤੌਰ ‘ਤੇ ਪੀੜਤ ਕਿਸਾਨਾਂ ਦੀ ਮੱਦਦ ਕਰਨ ਲਈ ਯਤਨਸ਼ੀਲ ਹਾਂ। ਉਸ ਮੌਕੇ ਮਨਪ੍ਰੀਤ ਸਿੰਘ, ਗੁਰਪ੍ਰੀਤ ਸਿੰਘ ਸਮੇਤ ਪ੍ਰਦੱਮਣ ਸਿੰਘ ਦੇ ਸਮੁੱਚੇ ਪਰਿਵਾਰ ਵੱਲੋਂ ਸਰਬਜੀਤ ਸਿੰਘ ਖਾਲਸਾ ਉਨ੍ਹਾਂ ਦੀ ਧਰਮਪਤਨੀ ਬੀਬੀ ਸੰਦੀਪ ਕੌਰ, ਦਲੇਰ ਸਿੰਘ ਡੋਡੇ, ਬਲਵਿੰਦਰ ਸਿੰਘ ਬਾਵਾ ਰੋਡੇ, ਗੁਰਮੀਤ ਸਿੰਘ ਗਿੱਲ ਮਹਾਲਾ ਦਾ ਧੰਨਵਾਦ ਕੀਤਾ ਗਿਆ।