ਅਮਰਜੀਤ ਰਾਜੇਆਣਾ ਦੀ ਅਗਵਾਈ ਹੇਠ ਹੋਏ ਵਿਸ਼ਾਲ ਸੰਮੇਲਨ ਨੇ ਹਿਲਾਈਆਂ ਸਿਆਸੀ ਪਾਰਟੀਆਂ ਦੀਆਂ ਚੂਲਾਂ

ਕਿਸਾਨਾਂ, ਆੜ੍ਹਤੀਆਂ, ਮਜ਼ਦੂਰਾਂ ਅਤੇ ਮੁਨੀਮਾ ਦੇ ਵਿਸ਼ਾਲ ਇਕੱਠ ਨੇ ਦਿੱਤਾ ਅਨੇਕਤਾ ਵਿੱਚ ਏਕਤਾ ਦਾ ਸਬੂਤ

ਬਾਘਾਪੁਰਾਣਾ 6 ਅਪ੍ਰੈਲ (ਤਰਲੋਚਨ ਬਰਾੜ) : ਪੰਜਾਬ ਵਿਚ ਜ਼ਮੀਨੀ ਪੱਧਰ ਤੇ ਸਿਆਸਤ ਰੋਜ ਨਵਾਂ ਰੁੱਖ ਅਖਤਿਆਰ ਕਰ ਰਹੀ ਹੈ ਜਿਥੇ ਇਕ ਪਾਸੇ ਪੰਜਾਬ ਦੀਆਂ ਸਮੁੱਚੀਆਂ ਸਿਆਸੀ ਪਾਰਟੀਆਂ ਆਵਦੇ ਵਲੋਂ ਅੱਡੀ ਚੋਟੀ ਦਾ ਜ਼ੋਰ ਲਗਾ ਰਹੀਆਂ ਹਨ ਉਥੇ ਹੀ ਇਕ ਹੋਰ ਨਵੀਂ ਧਿਰ ਆਪਣਾ ਆਪ ਤਿਆਰ ਕਰ ਰਹੀ ਹੈ। ਇਹ ਨਵੀਂ ਧਿਰ ਵਿਚ ਕਿਸਾਨ , ਆੜ੍ਹਤੀਏ, ਮਜਦੂਰ ਅਤੇ ਮੁਨੀਮ ਭਾਈਚਾਰੇ ਦੇ ਲੋਕ ਹਨ ਜਿਨ੍ਹਾਂ ਦੀ ਏਕਤਾ ਇਸ ਕਦਰ ਸੰਘਣੀ ਹੈ ਕਿ ਉਨ੍ਹਾਂ ਦੇ ਲੀਡਰ ਦੀ ਇਕ ਕਾਲ ਤੇ ਪੂਰਾ ਜਨ ਸੈਲਾਬ ਆ ਜਾਂਦਾ ਹੈ। ਅਜਿਹਾ ਹੀ ਦੇਖਣ ਨੂੰ ਮਿਿਲਆ ਬਾਘਾਪੁਰਾਣਾ ਵਿਖੇ ਜਿਥੇ ਆੜ੍ਹਤੀਆਂ ਐਸੋਸੀਏਸ਼ਨ ਦੇ ਪ੍ਰਧਾਨ ਅਮਰਜੀਤ ਸਿੰਘ ਰਾਜੇਆਣਾ ਅਤੇ ਕਿਸਾਨ ਜਥੇਬੰਦੀਆਂ ਦੇ ਨੁਮਾਇੰਦਿਆਂ ਦੇ ਸੱਦੇ ਤੇ ਹਜ਼ਾਰਾਂ ਦੀ ਗਿਣਤੀ ਵਿਚ ਵੱਡਾ ਸੰਮੇਲਨ ਉਨ੍ਹਾਂ ਆਪਣੀ ਰਹਿਨੁਮਾਈ ਹੇਠ ਕਰਵਾਇਆ। ਅਮਰਜੀਤ ਸਿੰਘ ਰਾਜੇਆਣਾ ਅਤੇ ਕਿਸਾਨ ਜਥੇਬੰਦੀਆਂ ਦੇ ਨੁਮਾਇੰਦਿਆਂ ਦੇ ਯਤਨਾਂ ਸਦਕਾ ਉਕਤ ਕਿਸਾਨ ਸੰਮੇਲਨ ਨੇ ਸਿਆਸੀ ਪਾਰਟੀਆਂ ਦੇ ਨੁਮਾਇੰਦਿਆਂ ਨੂੰ ਕਿਤੇ ਨਾ ਕਿਤੇ ਸੋਚੀ ਪਾ ਦਿੱਤਾ ਹੈ। ਨਵੀਂ ਦਾਣਾ ਮੰਡੀ ਵਿਚ ਹੋਈ ਵਿਸ਼ਾਲ ਇਕੱਠ ਇੰਝ ਪ੍ਰਤੀਤ ਕਰਵਾਉਂਦਾ ਸੀ ਜਿੱਦਾਂ ਸਮੁੱਚਾ ਹਲਕਾ ਬਾਘਾਪੁਰਾਣਾ ਕਿਸਾਨਾਂ ਅਤੇ ਆੜ੍ਹਤੀਆਂ ਦੀ ਹਮਾਇਤ ਵਿਚ ਬੇਬਾਕ ਹੋਕੇ ਕੇਂਦਰ ਦੀ ਕੇਂਦਰ ਦੀ ਭਾਜਪਾ ਸਰਕਾਰ ਨੂੰ ਲਲਕਾਰ ਰਿਹਾ ਹੋਵੇ। ਜੇਕਰ ਸੀ.ਆਈ.ਡੀ. ਰਿਪੋਰਟਾਂ ਦੀ ਮੰਨੀਏ ਤਾਂ ਉਕਤ ਹਜ਼ਾਰਾਂ ਲੋਕਾਂ ਦਾ ਇਕੱਠ ਭਾਜਪਾ ਸਰਕਾਰ ਦੀਆਂ ਚੂਲਾਂ ਹਿਲਾਉਣ ਲਈ ਇਕ ਕਾਫੀ ਸੀ। ਜਿਥੇ ਇਸ ਸੰਮੇਲਨ ਨੇ ਹਰ ਵਰਗ ਦੇ ਲੋਕਾਂ ਦੀ ਏਕਤਾ ਦਾ ਸਬੂਤ ਦਿੱਤਾ ਹੈ ਉਥੇ ਹੀ ਲੋਕਾਂ ਵਿਚ ਅਮਰਜੀਤ ਸਿੰਘ ਰਾਜੇਆਣਾ ਦਾ ਪਾਰਟੀ ਪੱਧਰ ਤੋਂ ਉੱਪਰ ਉੱਠ ਕੇ ਕਿਸਾਨਾਂ ਨਾਲ ਨਿਰਭਉ ਹੋਕੇ ਤੁਰਨਾ ਉਨ੍ਹਾਂ ਦਾ ਕੱਦ ਆਮ ਜਨਤਾ ਦਰਮਿਆਨ ਹੋਰ ਉੱਚਾ ਚੱਕਦਾ ਹੈ। ਦੂਜੇ ਪਾਸੇ ਕਿਸਾਨ ਯੂਨੀਅਨ ਕਾਦੀਆਂ ਦੇ ਜਿਲ੍ਹਾ ਪ੍ਰਧਾਨ ਨਿਰਮਲ ਸਿੰਘ ਮਾਣੂਕੇ, ਗੁਰਬਚਨ ਸਿੰਘ ਚੰਨੂਵਾਲਾ ਅਤੇ ਗੁਲਜ਼ਾਰ ਸਿੰਘ ਘਲ ਕਲਾਂ ਵੀ ਇਸ ਸੰਮੇਲਨ ਨੂੰ ਕਾਮਯਾਬ ਬਣਾਉਣ ਲਈ ਵਧਾਈ ਦੇ ਪਾਤਰ ਹਨ। ਉਕਤ ਸੰਮੇਲਨ ਵਿਚ ਆੜ੍ਹਤੀਆ ਐਸੋਸੀਏਸ਼ਨ ਦੇ ਸੂਬਾ ਪ੍ਰਧਾਨ ਵਿਜੇ ਕਾਲੜਾ, ਕਿਸਾਨ ਲੀਡਰ ਬਲਵੀਰ ਸਿੰਘ ਰਾਜੇਵਾਲ, ਗੁਰਨਾਮ ਸਿੰਘ ਚੜੂਨੀ, ਰੁਲਦੂ ਸਿੰਘ, ਪ੍ਰੋ ਮਨਜੀਤ ਸਿੰਘ ਅਤੇ ਹੋਰਨਾਂ ਵੱਡੇ ਨੁਮਾਇੰਦਿਆਂ ਨੇ ਆਪਣਾ ਭਾਸ਼ਣਾਂ ਦੌਰਾਨ ਕੇਂਦਰ ਦੀ ਮੋਦੀ ਸਰਕਾਰ ਨੂੰ ਜਮ ਕੇ ਕੋਸਿਆ ਅਤੇ ਸਖ਼ਤ ਲਹਿਜੇ ਵਿਚ ਚੇਤਾਵਨੀ ਦਿੱਤੀ ਕਿ ਕਿਸਾਨ ਲੀਡਰਾਂ ਉੱਪਰ ਹਮਲੇ ਬਰਦਾਸ਼ਤ ਨਹੀਂ ਕੀਤੇ ਜਾਣਗੇ ਅਤੇ ਲੋੜ ਪਈ ਤਾਂ ਮੂੰਹ ਤੋੜਵਾਂ ਜਵਾਬ ਵੀ ਦਿੱਤਾ ਜਾਵੇਗਾ। ਇਸ ਮੌਕੇ ਵੱਡੀ ਗਿਣਤੀ ਵਿਚ ਮਜੂਦ ਲੋਕਾਂ ਦੇ ਇਕੱਠ ਨੇ ਆਮ ਜਨਤਾ ਵਿਚ ਚਰਚਾ ਦਾ ਜਵਾਲਾਮੁਖੀ ਫੋੜ ਦਿੱਤਾ ਹੈ ਤੇ ਇਹ ਹੁਣ ਆਉਣ ਵਾਲਾ ਸਮਾਂ ਦੱਸੇਗਾ ਕਿ ਕਿਸਾਨ ਅੰਦੋਲਨ ਹੋਰ ਕੀ ਰੁੱਖ ਅਖਤਿਆਰ ਕਰਦਾ ਹੈ। ਇਸ ਰੈਲੀ ਦੇ ਪ੍ਰਬੰਧਕ ਵਜੋਂ ਸੁਲੱਖਣ ਸਿੰਘ ਕਾਲੇਕੇ, ਜਸਜੀਤ ਸਿੰਘ ਬੂਟਾ ਰੋਡੇ, ਅਸ਼ੋਕ ਗਰਗ, ਦੀਪਕ ਬਾਂਸਲ, ਤੇਜਾ ਸਿੰਘ ਕਾਲੇਕੇ, ਮਾ. ਮਨਮੋਹਨ ਸਿੰਘ, ਕਰਨੈਲ ਸਿੰਘ ਕਾਲੇਕੇ, ਨੰਦਪਾਲ ਗਰਗ, ਅਸ਼ੋਕ ਜਿੰਦਲ, ਸੁਖਜਿੰਦਰ ਸਿੰਘ ਕਾਲੇਕੇ, ਗੋਰੀ ਸ਼ੰਕਰ, ਅਮਰਜੀਤ ਸਿੰਘ ਲੰਗੇਆਣਾ, ਜਗਦੀਪ ਸਿੰਘ ਮੁਨਸ਼ੀ ਅਤੇ ਹੋਰ ਵੀ ਵੱਡੀ ਗਿਣਤੀ ਵਿਚ ਆੜ੍ਹਤੀਏ ਅਤੇ ਕਿਸਾਨ ਆਪਣਾ ਆਪਣਾ ਯੋਗਦਾਨ ਪਾ ਰਹੇ ਸਨ।