ਦਵਿੰਦਰ ਬੰਬੀਹਾ ਗਰੁੱਪ ਨਾਲ ਸਬੰਧਤ ਤਿੰਨ ਗੈਂਗਸਟਰ ਚੜੇ ਪੁਲਿਸ ਅੜਿਕੇ, ਵਿੱਕੀ ਮਿਡੂਖੇੜਾ ਕਤਲ ਸਬੰਧੀ ਹੋ ਸਕਦਾ ਖੁਲਾਸਾ

ਮੋਹਾਲੀ : ਖਰੜ ਸੀਆਈਏ ਸਟਾਫ ਨੇ ਗੈਂਗਸਟਰ ਬੰਬੀਹਾ ਗਰੁੱਪ ਦੇ ਤਿੰਨ ਸਰਗਰਮ ਮੈਂਬਰਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਨੇ ਮਨਦੀਪ ਸਿੰਘ ਧਾਲੀਵਾਲ, ਜਸਵਿੰਦਰ ਸਿੰਘ ਅਤੇ ਅਰਸ਼ਦੀਪ ਸਿੰਘ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਉਨ੍ਹਾਂ ਕੋਲੋਂ 2 ਨਾਜਾਇਜ਼ ਪਿਸਤੌਲ, 8 ਜ਼ਿੰਦਾ ਕਾਰਤੂਸ ਬਰਾਮਦ ਹੋਏ। ਉਹ ਵੱਡੇ ਲੋਕਾਂ ਤੋਂ ਫਿਰੌਤੀ ਮੰਗਦੇ ਸਨ। ਇਹ ਲੋਕ ਠੱਗ ਲਾਈਫ ਅਤੇ ਗੋਲਡ ਮੀਡੀਆ ਦੇ ਨਾਂ ਤੇ ਸੰਗੀਤ ਕੰਪਨੀਆਂ ਵੀ ਚਲਾਉਂਦੇ ਸਨ। ਮਿਲੀ ਜਾਣਕਾਰੀ ਮੁਤਾਬਿਕ ਪੁਲਿਸ ਦੁਆਰਾ ਜਾਂਚ ਪੜਤਾਲ ਕੀਤੀ ਜਾ ਰਹੀ ਹੈ ਤੇ ਆਸ ਲਗਾਈ ਜਾ ਰਹੀ ਹੈ ਕਿ ਵਿੱਕੀ ਮਿਡੂਖੇੜਾ ਕਤਲ ਸਬੰਧੀ ਵੀ ਖੁਲਾਸਾ ਹੋ ਸਕਦਾ ਹੈ।