PUNJAB
INDIA
WORLD
ਪੰਜਾਬ ਕਾਂਗਰਸ ਵਿੱਚ ਕੰਮ ਕਰਨ ਵਾਲੇ ਲੋਕ ਅੱਜ ਕੱਲ ਨਵੇਂ ਨਵੇਂ ਖੁਲਾਸੇ ਕਰ ਰਹੇ ਹਨ । ਪਿਛਲੇ ਦਿਨੀਂ ਜਿਥੇ ਕੈਪਟਨ ਨੇ ਆਵਦੇ ਨਾਲ ਰੱਖੇ ਮੰਤਰੀਆਂ ਦੇ ਪੋਲ ਖੋਲਣ ਦਾ ਬਿਆਨ ਦਿੱਤਾ ਸੀ ਉਥੇ ਹੀ ਦੂਜੇ ਪਾਸੇ ਕੈਪਟਨ ਦੇ ਕੱਟੜ ਵਿਰੋਧੀ ਮੁਹੰਮਦ ਮੁਸਤਫ਼ਾ ਨੇ ਇੱਕ ਵਾਰ ਫੇਰ ਆਪਣੀ ਤੋਪ ਦਾ ਮੂੰਹ ਕੈਪਟਨ ਵੱਲ ਕਰ ਲਿਆ ਹੈ । ਮੁਸਤਫ਼ਾ ਨੇ ਆਪਣੇ ਟਵੀਟ ਵਿੱਚ ਲਿਖਿਆ ਹੈ ਕੈਪਟਨ ਸਰਕਾਰ ਵਿੱਚ ਇੱਕ ਮੰਤਰੀ ਨੇ ਇੱਕ ਅਧਿਕਾਰੀ ਨੂੰ ਜਿਲ੍ਹੇ ਦਾ ਐਸ ਐਸ ਪੀ ਲਾਉਣ ਬਦਲੇ 40 ਲੱਖ ਰੁਪਏ ਲਏ ਸਨ।। ਮੁਸਤਫਾ ਨੇ ਕਿਹਾ ਕਿ ਅਮਰਿੰਦਰ ਨੂੰ ਤੁਰੰਤ ਉਸ ਨੂੰ ਪੈਸੇ ਵਾਪਸ ਕਰਨ ਲਈ ਕਹਿਣਾ ਚਾਹੀਦਾ ਹੈ। ਉਹ 72 ਘੰਟੇ ਉਡੀਕ ਕਰਨਗੇ। ਇਸ ਤੋਂ ਬਾਅਦ ਇਸ ਦੀ ਸ਼ਿਕਾਇਤ ਪੰਜਾਬ ਦੇ ਗ੍ਰਹਿ ਮੰਤਰੀ ਅਤੇ ਰਾਜ ਵਿਜੀਲੈਂਸ ਨੂੰ ਕੀਤੀ ਜਾਵੇਗੀ।
ਮੁਸਤਫਾ ਨੇ ਕਿਹਾ ਕਿ ਇੱਕ ਐਸਐਸਪੀ ਭਰੀਆਂਅੱਖਾਂ ਨਾਲ ਮੀਟਿੰਗ ਵਿੱਚੋਂ ਬਾਹਰ ਨਿਕਲਿਆ। ਫਿਰ ਉਸ ਨੇ ਦੱਸਿਆ ਕਿ ਕਿਸ ਤਰ੍ਹਾਂ ਅਮਰਿੰਦਰ ਦੇ ਨੇੜਲੇ ਮੰਤਰੀ ਨੇ ਉਨ੍ਹਾਂ ਨੂੰ ਜ਼ਿਲ੍ਹੇ ਵਿੱਚ ਲਗਾਉਣ ਦੇ ਬਦਲੇ ਰੁਪਏ ਲਏ। ਇਹ ਪੈਸੇ ਸਰਕਾਰੀ ਰਿਹਾਇਸ਼ ਵਿੱਚ ਮੇਰੇ ਰਿਸ਼ਤੇਦਾਰ ਦੀ ਮੌਜੂਦਗੀ ਵਿੱਚ ਦਿੱਤੇ ਗਏ ਸਨ। ਇਸ ਤੋਂ ਬਾਅਦ ਐਸਐਸਪੀ ਇਹ ਮਾਮਲਾ ਡੀਜੀਪੀ ਕੋਲ ਲੈ ਕੇ ਗਏ ਪਰ ਕੁਝ ਨਹੀਂ ਹੋਇਆ।
ਮੁਸਤਫਾ ਨੇ ਕਿਹਾ ਕਿ ਇਹ ਕੈਪਟਨ ਅਮਰਿੰਦਰ ਸਿੰਘ ਦੀ ਸਾਫ਼-ਸੁਥਰੀ ਅਤੇ ਪਾਰਦਰਸ਼ੀ ਸਰਕਾਰ ਦੀ ਮਿਸਾਲ ਹੈ। ਜਿਸ ਬਾਰੇ ਕੈਪਟਨ ਨੇ ਸੋਨੀਆ ਗਾਂਧੀ ਨੂੰ ਲਿਖੇ ਆਪਣੇ ਅਸਤੀਫ਼ੇ ਵਿੱਚ ਦੱਸਿਆ ਸੀ। ਮੁਸਤਫਾ ਨੇ ਕਿਹਾ ਕਿ ਉਹ ਕੈਪਟਨ ਨੂੰ ਅਪੀਲ ਕਰਦਾ ਹੈ ਕਿ ਪੈਸੇ ਵਾਪਸ ਕਰਨ ਲਈ ਆਪਣਾ ਪ੍ਰਭਾਵ ਦਾ ਇਸਤੇਮਾਲ ਕਰਨ। ਉਹ ਹੱਥ ਵਿੱਚ ਹਲਫੀਆ ਬਿਆਨ ਹੱਥ ‘ਚ ਲੈ ਕੇ ਉਡੀਕ ਕਰੇਗਾ। ਨਹੀਂ ਤਾਂ ਮੈਂ ਅਗਲੀ ਕਾਰਵਾਈ ਲਈ ਇਸ ਬਾਰੇ ਸ਼ਿਕਾਇਤ ਕਰ ਦਿਆਂਗਾ।
ਮੁਹੰਮਦ ਮੁਸਤਫਾ ਅਮਰਿੰਦਰ ‘ਤੇ ਲਗਾਤਾਰ ਹਮਲੇ ਕਰ ਰਹੇ ਹਨ। ਮੁਸਤਫਾ ਨੂੰ ਅਣਗੌਲਿਆਂ ਕਰਕੇ ਕੈਪਟਨ ਨੇ ਦਿਨਕਰ ਗੁਪਤਾ ਨੂੰ ਡੀ.ਜੀ.ਪੀ. ਲਾ ਦਿੱਤਾ ਸੀ। ਹਾਲਾਂਕਿ ਮੁਸਤਫਾ ਦਾ ਕਹਿਣਾ ਹੈ ਕਿ ਉਸ ਨੂੰ ਡੀਜੀਪੀ ਨਾ ਬਣਾਉਣਾ ਕੋਈ ਮੁੱਦਾ ਨਹੀਂ ਹੈ ਪਰ ਉਸ ਵਿਰੁੱਧ ਸਾਜ਼ਿਸ਼ ਰਚੀ ਗਈ ਸੀ। ਉਸ ਦਾ ਨਾਂ UPSC ਪੈਨਲ ਨੂੰ ਨਹੀਂ ਭੇਜਿਆ ਗਿਆ ਸੀ।
