ਮੋਗਾ ਪੁਲਿਸ ਵੱਲੋਂ ਕੀਤੀ ਗਈ ਚੈਕਿੰਗ ਦੌਰਾਨ,220 ਚਲਾਨ ਅਤੇ 29 ਵਹੀਕਲ ਬੰਦ ਕੀਤੇ ਤੇ ਇਸ ਤੋਂ ਇਲਾਵਾ ਹੈਰੋਇਨ ਫੜਨ ਵਿੱਚ ਕਾਮਯਾਬੀ ਹਾਸਲ ਕੀਤੀ

ਮੋਗਾ ਪੁਲਿਸ ਵੱਲੋਂ ਮਾੜੇ ਅਨਸਰਾਂ ਖਿਲਾਫ਼ ਕਾਰਵਾਈ ਕਰਨ ਲਈ ਫਰੀਦਕੋਟ ਰੇਂਜ ਦੇ ਆਈ ਜੀ ਪੀ ਪ੍ਰਦੀਪ ਕੁਮਾਰ ਯਾਦਵ ਅਤੇ ਐਸ ਐਸ ਪੀ ਗੁਲਨੀਤ ਸਿੰਘ ਖੁਰਾਣਾ ਦੀ ਅਗਵਾਈ ਵਿੱਚ ਜ਼ਿਲੇ ਦੇ 29 ਪੁਆਇੰਟਾਂ ਉਪਰ ਨਾਕਾਬੰਦੀਆ ਕਰਕੇ ਵਹੀਕਲਾਂ ਅਤੇ ਉਨ੍ਹਾਂ ਵਿੱਚ ਬੈਠੇ ਸਵਾਰ ਲੋਕਾਂ ਦੀ ਬਰੀਕੀ ਨਾਲ ਚੈਕਿੰਗ ਕੀਤੀ ਗਈ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਐਸ ਐਸ ਪੀ ਗੁਲਨੀਤ ਸਿੰਘ ਖੁਰਾਣਾ ਮੋਗਾ ਨੇ ਦੱਸਿਆ ਕਿ ਇਨ੍ਹਾਂ ਵਿਸ਼ੇਸ਼ ਨਾਕਾਬੰਦੀਆਂ ਉੱਪਰ 9 ਗਜਟਿਡ ਅਫ਼ਸਰ, 29 ਇੰਸਪੈਕਟਰ/ਮੁੱਖ ਅਫ਼ਸਰ ਥਾਣਾ, 118 ਐਨ.ਜੀ.ਓ. ਅਤੇ 387 ਹੋਰ ਰੈਂਕਾਂ ਦੇ ਕਰਮਚਾਰੀ ਭਾਵ ਕੁੱਲ 543 ਪੁਲਿਸ ਅਧਿਕਾਰੀ/ਕਰਮਚਾਰੀ ਤਾਇਨਾਤ ਕੀਤੇ ਗਏ। ਇਨ੍ਹਾਂ ਨਾਕਾਬੰਦੀਆਂ ਦੌਰਾਨ ਜਿ਼ਲ੍ਹਾ ਅੰਦਰ ਆਉਣ ਅਤੇ ਬਾਹਰ ਜਾਣ ਵਾਲੇ ਪੁਆਇੰਟਾਂ ਉੱਪਰ, ਹਰ ਪ੍ਰਕਾਰ ਦੇ ਵਹੀਕਲਾਂ ਦੀ ਚੈਕਿੰਗ ਕੀਤੀ ਗਈ। ਚੈਕਿੰਗ ਦੌਰਾਨ ਵਹੀਕਲਾਂ ਦੀਆ ਨੰਬਰ ਪਲੇਟਾਂ ਅਤੇ ਦਸਤਾਵੇਜਾਂ ਦੀ ਆਧੁਨਿਕ ਤਰੀਕਿਆ ਨਾਲ ਪੜਤਾਲ ਕੀਤੀ ਗਈ। ਜਿਨ੍ਹਾਂ ਵਹੀਕਲਾਂ ਉੱਪਰ ਹਾਈ ਸਕਿਊਰਿਟੀ ਨੰਬਰ ਪਲੇਟਾਂ ਨਹੀ ਲੱਗੀਆ ਸਨ ਉਹਨਾਂ ਦੇ ਚਲਾਨ ਕੀਤੇ ਗਏ। ਇਸ ਤੋਂ ਇਲਾਵਾ ਵਹੀਕਲਾਂ ਵਿਚ ਸਵਾਰ ਵਿਅਕਤੀਆ ਵਿੱਚੋਂ ਸ਼ੱਕੀ ਜਾਪਦੇ ਵਿਅਕਤੀਆ ਦੀ ਆਧੁਨਿਕ ਤਰੀਕਿਆ ਨਾਲ ਪੜਤਾਲ ਕੀਤੀ ਗਈ।

ਉਨ੍ਹਾਂ ਦੱਸਿਆ ਕਿ ਇਹਨਾਂ ਵਿਸ਼ੇਸ ਨਾਕਾਬੰਦੀਆ ਦੌਰਾਨ ਕੁੱਲ 2383 ਵਹੀਕਲ ਚੈੱਕ ਕੀਤੇ ਗਏ, ਕੁੱਲ 220 ਚਲਾਨ ਕੱਟੇ ਗਏ ਅਤੇ 29 ਵਹੀਕਲਾਂ ਦੇ ਕਾਗਜਾਤ ਪੂਰੇ ਨਾ ਹੋਣ ਕਰਕੇ 207 ਮੋਟਰ ਵਹੀਕਲ ਐਕਟ ਅਧੀਨ ਇੰਮਪਾੳਂੂਡ ਕੀਤੇ ਗਏ। ਚੈਕਿੰਗ ਦੌਰਾਨ 155 ਸ਼ੱਕੀ ਵਿਅਕਤੀਆਂ ਨੂੰ ਰਾਊਂਡਅੱਪ ਕੀਤਾ ਅਤੇ 21 ਵਿਅਕਤੀਆਂ ਨੂੰ ਥਾਣਾ ਹਜਾ ਵਿਚ ਲਿਜਾਕੇ ਚੈੱਕ ਕੀਤਾ ਗਿਆ। ਚੈਕਿੰਗ ਦੌਰਾਨ ਇੱਕ ਨਸ਼ਾ ਤਸਕਰ ਨੂੰ ਕਾਬੂ ਕਰਕੇ ਉਸ ਪਾਸੋਂ 700 ਗ੍ਰਾਮ ਹੈਰੋਇਨ, ਇਕ ਐਕਟਿਵਾ ਸਕੂਟਰੀ ਅਤੇ 50 ਹਜ਼ਾਰ ਰੁਪਏ ਡਰੱਗ ਮਨੀ ਬ੍ਰਾਮਦ ਕੀਤੀ ਗਈ।