2017 ਵਿੱਚ ਕਰੋੜਾਂ ਦੇ ਹੋਏ ਘਪਲੇ ਦੀਆਂ ਫਾਈਲਾਂ ਖੁੱਲੀਆਂ,17 ਮੁਲਾਜ਼ਮਾਂ ਤੇ ਪਰਚਾ ਦਰਜ਼,6 ਗ੍ਰਿਫਤਾਰ

ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਨੇ ਪਿਛਲੀਆ ਸਰਕਾਰਾਂ ਦੌਰਾਨ ਹੋਏ ਘਪਲਿਆਂ ਦੀਆਂ ਫਾਈਲਾਂ ਖੋਲਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਮਲੋਟ ਦੇ ਜਲ ਸਪਲਾਈ ਕਾਰਜਕਾਰੀ ਇੰਜੀਨੀਅਰ  ਜਸਬੀਰ ਸਿੰਘ ਔਜਲਾ ਨੇ 2017 ਵਿੱਚ ਹੋਏ ਘਪਲੇ ਨੂੰ ਲੈ ਕੇ ਦਫ਼ਤਰ ਮਲੋਟ ਵੱਲੋਂ ਇੱਕ ਸ਼ਿਕਾਇਤ 17 ਮੁਲਾਜ਼ਮਾਂ ਖ਼ਿਲਾਫ਼ ਥਾਣਾ ਸਿਟੀ ਮਲੋਟ ਵਿੱਚ ਦਰਜ ਕਰਾ ਕੇ 6 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰਵਾਇਆ ਹੈ ਤੇ ਪੁਲਿਸ ਨੇ ਉਨ੍ਹਾਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਉਪ ਮੰਡਲ ਪੁਲਿਸ ਕਪਤਾਨ ਜਸਪਾਲ ਸਿੰਘ ਢਿਲੋਂ ਨੇ ਦੱਸਿਆ ਕਿ 2017 ਦਾ ਮਾਮਲਾ ਹੈ ਜਿਸ ਵਿਚ ਜਸਬੀਰ ਸਿੰਘ  ਔਜਲਾ ਕਾਰਜਕਾਰੀ ਇੰਜਨੀਅਰ ਅਤੇ ਸੈਨੀਟੇਸ਼ਨ ਮੰਡਲ ਮਲੋਟ ਦੀ ਸਕਾਇਤ ਤੇ ਕਾਰਵਾਈ  ਤੇ ਜਾਂਚ ਦੌਰਾਨ ਉਸ ਸਮੇ ਮਲੋਟ ਦਫ਼ਤਰ ਵਿਚ ਤੈਨਾਤ 17 ਮੁਲਾਜਮਾਂ ਖ਼ਿਲਾਫ਼ 1 ਕਰੋੜ 33 ਲੱਖ ਰੁਪਏ  ਗਬਨ ਕਰਨ ਦਾ ਅਲੱਗ ਅਲੱਗ ਧਾਰਾਵਾਂ ਤਹਿਤ ਮਾਮਲਾ ਥਾਨਾਂ ਸਿਟੀ  ਮਲੋਟ ਵਿਚ ਦਰਜ ਕੀਤਾ ਗਿਆ ਹੈ, ਜਿਨ੍ਹਾਂ ਵਿਚੋਂ ਸੰਦੀਪ ਸਿੰਘ ਜੂਨੀਅਰ ਸਹਾਇਕ , ਰਾਜਵਿੰਦਰ ਸਿੰਘ ਰਿਟਾਈਡ ਸੀਨੀਅਰ ਸਹਾਇਕ, ਸੁਰਿੰਦਰ ਕੁਮਾਰ ਰਿਟਾਈਡ ਸੁਪਰਡੈਂਟ , ਪ੍ਰਵੀਨ ਕੁਮਾਰ, ਰਾਮ ਕੁਮਾਰ, ਅਤੇ ਉਮ ਪ੍ਰਕਾਸ਼ ਸਮੇਤ 6 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰਕੇ  ਅਦਾਲਤ ਵਿਚ ਪੇਸ਼ ਕਰਕੇ  ਹੋਰ  ਪੁੱਛਗਿੱਛ ਲਈ ਰਿਮਾਂਡ ਹਾਸਲ ਕੀਤਾ ਜਾ ਰਿਹਾ ਹੈ  ਅਤੇ ਬਾਕੀਆਂ ਨੂੰ ਅਲੱਗ ਅਲੱਗ ਟੀਮ ਬਣਾਈਆਂ ਗਈਆਂ ਹਨ ਜਿਨ੍ਹਾਂ ਨੂੰ ਜਲਦ ਗ੍ਰਿਫਤਾਰ ਕੀਤਾ ਜਾਵੇਗਾ।  ਉਨ੍ਹਾਂ ਦੱਸਿਆ ਕਿ ਜਾਂਚ ਦੌਰਾਨ ਪਾਇਆ ਗਿਆ ਇਹ ਲੋਕ ਫਰਜ਼ੀ  ਬਿਲ ਬਣਾ ਕੇ ਪਾਸ ਕਰਵਾਉਂਦੇ ਸਨ ਜਿਨ੍ਹਾਂ ਨੇ 1 ਕਰੋੜ 33 ਲੱਖ ਦਾ ਗਬਨ ਪਾਇਆ ਗਿਆ ਹੈ ।