PUNJAB
INDIA
WORLD
ਬਾਰਾਬੰਕੀ : ਯੂਪੀ ਦੇ ਬਾਰਾਬੰਕੀ ਜ਼ਿਲੇ ਵਿਚ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਥੇ ਇਕ ਪਿੰਡ ਵਿਚ ਇਕ ਸਹੁਰੇ ਨੇ ਆਪਣੀ ਨੂੰਹ ਦਾ 80 ਹਜ਼ਾਰ ਰੁਪਏ ਵਿਚ ਸੌਦਾ ਕੀਤਾ। ਦੱਸਿਆ ਜਾ ਰਿਹਾ ਹੈ ਕਿ ਮੁਲਜ਼ਮ ਸਹੁਰੇ ਨੇ ਪਿੰਡ ਵਿਚ 300 ਤੋਂ ਵੱਧ ਵਿਆਹ ਕਰਵਾ ਕੇ ਕਮਿਸ਼ਨ ਲੈ ਚੁੱਕਾ ਹੈ। ਇੱਥੇ ਸਹੁਰੇ ਨੇ ਬੇਟੇ ਨੂੰ ਹਨੇਰੇ ਵਿੱਚ ਰਖਦਿਆਂ ਗੁਜਰਾਤ ਰਾਜ ਦੇ ਲੋਕਾਂ ਦੇ ਵਿੱਚ ਇੱਕ ਨੂੰਹ ਦਾ ਸੌਦਾ ਕਰ ਦਿੱਤਾ। ਬੇਟੇ ਦੀ ਸ਼ਿਕਾਇਤ ‘ਤੇ ਪੁਲਿਸ ਨੇ ਗੁਜਰਾਤ ਤੋਂ ਨੂੰਹ ਨੂੰ ਲੈਣ ਆਏ 8 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ ਅਤੇ ਮੁਲਜ਼ਮ ਸਹੁਰਾ ਅਤੇ ਉਸ ਦਾ ਸਾਥੀ ਅਜੇ ਵੀ ਪੁਲਿਸ ਦੀ ਪਹੁੰਚ ਤੋਂ ਦੂਰ ਹੈ।
ਘਟਨਾ ਬਾਰਾਬੰਕੀ ਜ਼ਿਲ੍ਹੇ ਦੇ ਰਾਮਨਗਰ ਥਾਣੇ ਦੇ ਪਿੰਡ ਮੱਲਪੁਰ ਦੀ ਹੈ। ਜਿੱਥੇ ਪ੍ਰਿੰਸ ਵਰਮਾ ਨਾਮ ਦੇ ਇਕ ਵਿਅਕਤੀ ਨੇ ਪੁਲਿਸ ਨੂੰ ਸੂਚਿਤ ਕੀਤਾ ਕਿ ਉਸਦੇ ਪਿਤਾ ਚੰਦਰ ਰਾਮ ਵਰਮਾ ਨੇ ਉਸ ਦੀ ਪਤਨੀ ਨੂੰ ਗੁਜਰਾਤ ਰਾਜ ਦੇ ਕੁਝ ਲੋਕਾਂ ਨੂੰ 80,000 ਰੁਪਏ ਵਿੱਚ ਵੇਚ ਦਿੱਤਾ ਹੈ ਅਤੇ ਖਰੀਦਦਾਰ ਬਾਰਾਂਬਾਂਕੀ ਰੇਲਵੇ ਸਟੇਸ਼ਨ ਤੇ ਉਸ ਦੀ ਪਤਨੀ ਦੇ ਆਉਣ ਦਾ ਇੰਤਜ਼ਾਰ ਕਰ ਰਿਹਾ ਹੈ। ਪ੍ਰਿੰਸ ਵਰਮਾ ਦੀ ਇਸ ਜਾਣਕਾਰੀ ‘ਤੇ, ਬਾਰਾਬੰਕੀ ਪੁਲਿਸ ਸਰਗਰਮ ਹੋ ਗਈ ਅਤੇ ਪੁਲਿਸ ਸੁਪਰਡੈਂਟ ਦੁਆਰਾ ਬਣਾਈ ਗਈ ਟੀਮ ਰੇਲਵੇ ਸਟੇਸ਼ਨ ਤੇ ਪਹੁੰਚ ਗਈ। ਜਦੋਂ ਰੇਲਵੇ ਸਟੇਸ਼ਨ ‘ਤੇ ਗੁਜਰਾਤ ਰਾਜ ਦੇ 8 ਲੋਕਾਂ ਤੋਂ ਪੁੱਛਗਿੱਛ ਕੀਤੀ ਗਈ, ਤਾਂ ਸਾਰਾ ਮਾਮਲਾ ਸਾਹਮਣੇ ਆਇਆ।
ਦਰਅਸਲ, ਪ੍ਰਿੰਸ ਵਰਮਾ ਦੇ ਪਿਤਾ ਚੰਦਰ ਰਾਮ ਵਰਮਾ ਦਾ ਇਕ ਜਾਣਕਾਰ ਰਾਮੂ ਗੌਤਮ ਗੁਜਰਾਤ ਵਿਚ ਰਹਿੰਦਾ ਹੈ ਅਤੇ ਉੱਥੇ ਇੱਕ ਵਿਅਕਤੀ ਸਾਹਿਲ ਪੰਚ ਦਾ ਵਿਆਹ ਨਹੀਂ ਹੋ ਰਿਹਾ ਸੀ। ਰਾਜੂ ਸਾਹਿਲ ਨੂੰ ਚੰਦਰ ਰਾਮ ਵਰਮਾ ਨਾਲ ਗੱਲ ਕਰਨ ਲਈ ਮਿਲਿਆ ਅਤੇ ਵਿਆਹ ਕਰਵਾਉਣ ਦੇ ਬਦਲੇ 80 ਹਜ਼ਾਰ ਰੁਪਏ ਦੇਣ ਦੀ ਗੱਲ ਚੱਲੀ। ਜਦੋਂ ਕੋਈ ਲੜਕੀ ਨਹੀਂ ਮਿਲੀ, ਚੰਦਰ ਰਾਮ ਨੇ ਗਾਜ਼ੀਆਬਾਦ ਵਿੱਚ ਆਪਣੀ ਨੂੰਹ ਦੀ ਫੋਟੋ ਭੇਜੀ। ਨੂੰਹ ਨੂੰ ਘਰ ਲਿਆਉਣ ਲਈ ਚੰਦਰ ਰਾਮ ਵਰਮਾ ਨੇ ਬਿਮਾਰ ਹੋਣ ਦਾ ਦਿਖਾਵਾ ਕੀਤਾ ਅਤੇ ਪੁੱਤਰ ਨੂੰ ਨੂੰਹ ਨੂੰ ਭੇਜਣ ਲਈ ਰਾਜ਼ੀ ਕੀਤਾ। ਜਦੋਂ ਨੂੰਹ ਘਰ ਆਈ, ਤਾਂ ਅਗਲੇ ਹੀ ਦਿਨ ਉਸ ਦੇ ਖਰੀਦਦਾਰਾਂ ਨੂੰ ਵੀ ਚੰਦਰ ਰਾਮ ਵਰਮਾ ਨੇ ਘਰ ਬੁਲਾਇਆ ਅਤੇ ਨੂੰਹ ਨੂੰ ਗਾਜ਼ੀਆਬਾਦ ਭੇਜਣ ਦੇ ਬਹਾਨੇ ਨਾਲ ਭੇਜਣ ਲਈ ਕਹਿ ਦਿੱਤਾ। ਪਰ ਬੇਟੇ ਦੇ ਬਿਨਾਂ ਨੂੰਹ ਨੂੰ ਮਿਲਣਾ ਤੇ ਅਤੇ ਫਿਰ ਇਸਨੂੰ ਵਾਪਸ ਭੇਜਣ ‘ਤੇ ਸ਼ੱਕ ਹੋਇਆ, ਸਾਰਾ ਮਾਮਲਾ ਖੁੱਲ੍ਹ ਗਿਆ।
ਇਸ ਮਾਮਲੇ ਵਿੱਚ, ਬਾਰਾਬੰਕੀ ਦੇ ਵਧੀਕ ਪੁਲਿਸ ਸੁਪਰਡੈਂਟ ਅਵਧੇਸ਼ ਕੁਮਾਰ ਸਿੰਘ ਨੇ ਦੱਸਿਆ ਕਿ ਪ੍ਰਿੰਸ ਵਰਮਾ ਦੀ ਜਾਣਕਾਰੀ ‘ਤੇ ਪੁਲਿਸ ਨੇ ਰੇਲਵੇ ਸਟੇਸ਼ਨ ਤੋਂ ਗੁਜਰਾਤ ਰਾਜ ਦੀ 3 ਔਰਤਾਂ ਸਣੇ ਕੁੱਲ 8 ਲੋਕਾਂ ਨੂੰ ਹਿਰਾਸਤ ਵਿੱਚ ਲਿਆ ਹੈ। ਜਿਸ ਵਿੱਚ ਸਾਹਿਲ ਪੰਚ, ਪੱਪੂ ਭਾਈ ਸ਼ਰਮਾ, ਅਪੂਰਵ ਪੰਚ, ਗੀਤਾ ਬੇਨ, ਨੀਤਾ ਬੇਨ, ਸ਼ਿਲਪਾ ਬੇਨ, ਰਾਕੇਸ਼ ਅਤੇ ਅਜੈ ਭਾਈ ਪੰਚ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਮੁਲਜ਼ਮ ਸਹੁਰਾ ਚੰਦਰ ਰਾਮ ਵਰਮਾ ਨੇ ਆਪਣੇ ਪੁੱਤਰ ਪ੍ਰਿੰਸ ਨੂੰ ਹਨੇਰੇ ਵਿੱਚ ਰੱਖ ਕੇ 80 ਹਜ਼ਾਰ ਰੁਪਏ ਵਿੱਚ ਨੂੰਹ ਦਾ ਸੌਦਾ ਕੀਤਾ ਸੀ। ਇਹ ਲੋਕ ਨੂੰਹ ਨੂੰ ਲੈਕੇ ਗੁਜਰਾਤ ਜਾ ਰਹੇ ਸਨ। ਚੰਦਰ ਰਾਮ ਵਰਮਾ ਅਤੇ ਉਸ ਦੇ ਸਹਿਯੋਗੀ ਰਾਮੂ ਗੌਤਮ ਸਮੇਤ ਇਸ ਮਾਮਲੇ ਵਿੱਚ ਅਜੇ ਵੀ ਦੋ ਵਿਅਕਤੀ ਲੋੜੀਂਦੇ ਹਨ। ਪੁਲਿਸ ਇਨ੍ਹਾਂ ਦੋਵਾਂ ਦੀ ਵੀ ਜਲਦੀ ਗ੍ਰਿਫਤਾਰੀ ਨੂੰ ਯਕੀਨੀ ਬਣਾਏਗੀ।
