PUNJAB
INDIA
WORLD
ਆਮ ਆਦਮੀ ਪਾਰਟੀ ਦੀ ਟਿਕਟ ਛੱਡ ਕੇ ਕਾਂਗਰਸ ਪਾਰਟੀ ਦੀ ਟਿਕਟ ਤੇ ਫਿਰੋਜ਼ਪੁਰ ਦਿਹਾਤੀ ਤੋਂ ਚੋਣ ਲੜਨ ਵਾਲੇ ਆਸ਼ੂ ਬਾਂਗੜ ਨੂੰ ਮੋਗਾ ਪੁਲਿਸ ਨੇ ਬੀਤੇ ਦਿਨ ਜਾਅਲੀ ਸਰਟੀਫਿਕੇਟ ਬਣਾਉਣ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਸੀ । ਜਿਸ ਤੋਂ ਬਾਅਦ ਕਾਂਗਰਸ ਦੇ ਆਗੂਆਂ ਨੇ ਥਾਣਾ ਸਿਟੀ ਵੱਨ ਅੱਗੇ ਧਰਨਾ ਲਾ ਦਿੱਤਾ ਸੀ। ਅੱਜ ਫੇਰ ਆਸ਼ੂ ਬਾਂਗੜ ਦੇ ਹੱਕ ਵਿੱਚ ਜਿਥੇ ਪਹਿਲੇ ਦਿਨ ਸਾਬਕਾ ਐਮਐਲਏ ਦਰਸ਼ਨ ਸਿੰਘ ਬਰਾੜ,ਮਾਲਿਕਾਂ ਸੂਦ, ਮਨਜੀਤ ਸਿੰਘ ਮਾਨ, ਜ਼ਿਲ੍ਹਾ ਪ੍ਰਧਾਨ ਕੰਵਲਜੀਤ ਸਿੰਘ ਬਰਾੜ, ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਅਤੇ ਹੋਰ ਵੀ ਲੀਡਰਾਂ ਨੇ ਧਰਨਾ ਦਿੱਤਾ ਸੀ ਅੱਜ ਐਮ ਐਲ ਏ ਪਰਗਟ ਸਿੰਘ, ਕੁਲਬੀਰ ਸਿੰਘ ਜ਼ੀਰਾ, ਦਰਸ਼ਨ ਸਿੰਘ ਬਰਾੜ, ਅਤੇ ਹੋਰ ਆਗੂਆਂ ਨੇ ਦੁਬਾਰਾ ਧਰਨਾ ਦਿੱਤਾ।
ਮੋਗਾ ਪੁਲੀਸ ਨੇ ਮੁਖਬਰ ਦੀ ਇਤਲਾਹ ‘ ਤੇ ਕੋਟਕਪੂਰਾ ਬਾਈ ਪਾਸ ਨੇੜਿਓਂ ਵਿਦੇਸ਼ ਭੇਜਣ ਲਈ ਤਜ਼ਰਬਾ ਸਰਟੀਫਿਕੇਟ ਆਦਿ ਜਾਅਲੀ ਦਸਤਾਵੇਜ਼ ਤਿਆਰ ਕਰਨ ਦੇ ਦੋਸ਼ ਵਿੱਚ ਡਾਕਟਰ ਆਸ਼ੂ ਬੰਗੜ ਤੇ ਹਰਦੀਪ ਸਿੰਘ ਬਰਾੜ ਵਾਸੀ ਇੱਟਾਂਵਾਲੀ (ਮੁਕਤਸਰ) ਨੂੰ ਗਿਰਫ਼ਤਾਰ ਕਰਕੇ ਮੁਕਦਮਾ ਨੰਬਰ 156 ਤਹਿਤ ਦਰਜ ਕੀਤਾ ਹੈ।
ਆਸ਼ੂ ਬਾਂਗੜ ਤੇ ਮਾਮਲਾ ਦਰਜ ਕਰਨ ਤੋਂ ਬਾਅਦ ਜਿਥੇ ਕਾਂਗਰਸੀ ਵਰਕਰਾਂ ਵੱਲੋਂ ਥਾਣਾ ਸਿਟੀ 1 ਦੇ ਬਾਹਰ ਧਰਨਾ ਦਿੱਤਾ ਗਿਆ ਹੈ ਉਥੇ ਹੀ ਕਾਂਗਰਸੀ ਵਰਕਰਾਂ ਦਾ ਸਾਥ ਦੇਣ ਲਈ ਨੂੰ ਮੋਗਾ ਦੇ ਥਾਣਾ ਸਿਟੀ ਦੇ ਬਾਹਰ ਪਹੁੰਚ ਕੇ ਧਰਨੇ ਚ ਬੈਠੇ । ਤੁਹਾਨੂੰ ਦੱਸ ਦੇਈਏ ਕਿ ਕਾਂਗਰਸ ਵੱਲੋਂ ਆਮ ਆਦਮੀ ਪਾਰਟੀ ਤੇ ਦੋਸ਼ ਲਾਏ ਜਾ ਰਹੇ ਹਨ ਕਿ ਉਨ੍ਹਾਂ ਵੱਲੋਂ ਆਸ਼ੂ ਬਾਂਗੜ ਤੇ ਝੂਠਾ ਮੁਕੱਦਮਾ ਦਰਜ ਕਰਵਾਇਆ ਹੈ ।ਉਥੇ ਹੀ ਭਰਗਟ ਸਿੰਘ ਤੇ ਕੁਲਬੀਰ ਜੀਰਾ ਨੇ ਕਿਹਾ ਕੀ ਜੇ ਪਰਚਾ ਰੱਦ ਨਾ ਕਿਤਾ ਤਾ ਅਉਣ ਵਾਲੇ ਸਮੇ ਵਿੱਚ ਚਡੀਗੜ ਜਾ ਕੇ ਪੰਜਾਬ ਦੇ ਡੀ.ਜੀ ਪੀ ਦੇ ਦਫਤਰ ਦਾ ਕਿਰਾਉ ਕਰਾਗੇ
ਖਬਰ ਲਿਖੇ ਜਾਣ ਤੱਕ ਧਰਨਾ ਜਾਰੀ ਸੀ। ਬੁਲਾਰਿਆਂ ਨੇ ਦੋਸ਼ ਲਗਾਇਆ ਕਿ ਸੂਬਾ ਸਰਕਾਰ ਵੱਲੋਂ ਕਾਂਗਰਸ ਨਾਲ ਕਥਿਤ ਧੱਕੇਸ਼ਾਹੀ ਕਰਦਿਆਂ ਪਰਚੇ ਦਰਜ ਕਰਵਾਏ ਜਾ ਰਹੇ ਹਨ ਜੋ ਕਿ ਆਪ ਆਗੂਆਂ ਅੰਦਰਲੇ ਖੌਫ ਦਾ ਨਤੀਜਾ ਹੈ।
