ਸਿੱਧੂ ਮੂਸੇਵਾਲਾ ਨੂੰ ਜਿਹੜੇ ਗਾਇਕ ਅਤੇ ਕਰੀਬੀ ਦੋਸਤ ਪਸੰਦ ਨਹੀਂ ਕਰਦੇ ਸਨ ਉਨ੍ਹਾਂ ਦਾ ਵੀ ਕਤਲ ਕਰਵਾਉਣ ਵਿੱਚ ਹੱਥ ਹੈ:- ਬਲਕੌਰ ਸਿੰਘ 

ਸਿੱਧੂ ਮੂਸੇਵਾਲਾ ਦਾ ਕਤਲ 29 ਮਈ ਨੂੰ ਗੈਂਗਸਟਰਾਂ ਵੱਲੋਂ ਕਰ ਦਿੱਤਾ ਗਿਆ ਸੀ। ਉਸ ਤੋਂ ਬਾਅਦ ਪੰਜਾਬ ਪੁਲਿਸ ਵੱਲੋਂ ਲਗਾਤਾਰ ਸਿੱਧੂ ਦਾ ਕਤਲ ਕਰਨ ਵਾਲਿਆਂ ਨੂੰ ਫੜਿਆ ਵੀ ਗਿਆ ਤੇ ਦੋ ਗੈਂਗਸਟਰਾਂ ਦਾ ਐਨਕਾਉਂਟਰ ਵੀ ਪੁਲਿਸ ਨੇ ਕਰ ਦਿੱਤਾ ਹੈ। ਪਰ ਉਸ ਦੇ ਬਾਵਜੂਦ ਵੀ ਸਿੱਧੂ ਮੂਸੇਵਾਲਾ ਦਾ ਪਰਿਵਾਰ ਖੁਸ਼ ਨਹੀਂ ਕਿਉਂਕਿ ਉਹ ਲਗਾਤਾਰ ਇਹ ਹੀ ਆਖ ਰਹੇ ਹੈ ਜਿੰਨਾ ਲੋਕਾਂ ਨੇ ਸਿੱਧੂ ਨੂੰ ਮਰਵਾਉਣ ਲਈ ਸਾਜ਼ਿਸ਼ ਰਚੀ ਸੀ ਉਹ ਗ੍ਰਿਫਤ ਤੋਂ ਬਾਹਰ ਹਨ। ਅੱਜ ਫੇਰ ਸਿੱਧੂ ਮੂਸੇਵਾਲਾ ਦੇ ਪਿਤਾ ਬਲਕੌਰ ਸਿੰਘ ਨੇ ਵੱਡਾ ਬਿਆਨ ਦਿੰਦਿਆਂ ਆਖਿਆ ਹੈ ਸਿੱਧੂ ਦੇ ਕਤਲ ਲਈ ਕਰੀਬੀ ਦੋਸਤ ਵੀ ਜ਼ਿੰਮੇਵਾਰ ਹੈ ਉਨ੍ਹਾਂ ਦਾ ਇੱਕ ਗਰੁੱਪ ਸੀ ਉਹ ਸਿੱਧੂ ਨੂੰ ਪਸੰਦ ਨਹੀਂ ਕਰਦੇ ਸੀ। ਇੱਕ ਗਰੁੱਪ ਨੇ ਗੁਮਰਾਹ ਕੀਤਾ ਸੀ। ਬਲਕੌਰ ਸਿੰਘ ਨੇ ਆਖਿਆ ਜਦੋਂ ਸਿੱਧੂ ਮੂਸੇਵਾਲਾ ਕੈਨੇਡਾ ਗਿਆ ਸੀ ਉਦੋਂ ਉਹ ਸਾਰੇ ਨਾਲ ਸਨ ਅਤੇ ਕੁੱਝ ਗਾਇਕ ਸੀ ਜਿਹੜੇ ਸਿੱਧੂ ਨੂੰ ਪਸੰਦ ਨਹੀਂ ਕਰਦੇ ਸੀ ਤੇ ਚਾਹੁੰਦੇ ਸੀ ਕਿ ਸਿੱਧੂ ਉਨ੍ਹਾਂ ਮੁਤਾਬਕ ਹੀ ਚੱਲੇ ਤੇ ਗੀਤ ਗਾਵੇ ਪਰ ਸਿੱਧੂ ਜਿੰਨਾ ਟਾਈਮ ਰਿਹਾ ਅਣਖ ਨਾਲ ਜੀਆ ਹੈ। ਬਲਕੌਰ ਸਿੰਘ ਨੇ ਆਖਿਆ ਜਿਹੜੇ ਲੋਕ ਸਿੱਧੂ ਦੀ ਮੌਤ ਦੇ ਜ਼ਿੰਮੇਵਾਰ ਹੈ ਉਨ੍ਹਾਂ ਦੇ ਨਾਮਾਂ ਦਾ ਬਹੁਤ ਜਲਦੀ ਖੁਲਾਸਾ ਕਰਾਂਗਾ