ਪੁਲਿਸ ਵਿਭਾਗ ਨੇ ਐਸ. ਆਈ. ਕਰਮਜੀਤ ਸਿੰਘ ਨੂੰ ਕੀਤਾ ਜਬਰੀ ਰਿਟਾਇਰ

 ਕਾਂਗਰਸੀ ਆਗੂਆਂ ਤੇ ਨਜਾਇਜ਼ ਪਰਚਾ ਦਰਜ ਕਰਨ ਅਤੇ ਇੱਕ  ਥਾਣੇਦਾਰ ਦੇ ਖੁਦਕੁਸ਼ੀ ਮਾਮਲੇ ਚ ਰਿਹਾ ਹੈ ਸ਼ਾਮਿਲ
ਨਿਹਾਲ ਸਿੰਘ ਵਾਲਾ -:(ਪ੍ਰਦੀਪ ਢਿੱਲੋਂ )ਮੋਗਾ ਦੇ ਜਿਲ੍ਹਾ ਪੁਲਿਸ ਮੁਖੀ (ਆਈ.ਪੀ.ਐਸ) ਸ਼੍ਰੀ.ਧਰੂਮਨ .ਅੈੱਚ. ਨਿੰਬਲੇ ਵੱਲੋਂ ਜਿੱਥੇ ਇਮਾਨਦਾਰੀ ਅਤੇ ਤਨਦੇਹੀ ਨਾਲ ਆਪਣੀ ਡਿਓੂਟੀ ਕਰਨ ਵਾਲੇ ਪੁਲਿਸ ਕਰਮਚਾਰੀਆਂ ਨੂੰ ਸਨਮਾਨਿਤ ਕੀਤਾ ਜਾ ਰਿਹਾ ਹੈ,ਓੁੱਥੇ ਹੀ ਪੁਲਿਸ ਵਿਭਾਗ  ਦਾ ਅਕਸ ਖਰਾਬ ਕਰਨ ਵਾਲੇ ਭ੍ਰਿਸ਼ਟ ਅਤੇ ਵਿਵਾਦਿਤ ਪੁਲਿਸ ਮੁਲਾਜ਼ਮਾਂ ਖਿਲਾਫ਼ ਸਖਤੀ ਵੀ ਵਰਤੀ ਜਾ ਰਹੀ ਹੈ।                             ਬੀਤੇ ਦਿਨੀਂ ਜਿਲ੍ਹਾ ਪੁਲਿਸ ਮੁਖੀ ਵੱਲੋਂ ਅਜਿਹੇ ਹੀ ਇੱਕ ਵਿਵਾਦਿਤ ਥਾਣਾ ਬੱਧਨੀਂ ਕਲਾਂ ਵਿੱਚ ਬਤੌਰ ਐਸ.ਅੈੱਚ.ਓ ਤਾਇਨਾਤ ਰਹੇ ਸਬ-ਇੰਸਪੈਕਟਰ ਕਰਮਜੀਤ ਸਿੰਘ ਖਿਲਾਫ਼ ਸਖ਼ਤੀ ਵਰਤਦਿਆਂ ਜਬਰੀ ਰਿਟਾਇਰ ਕਰ ਦਿੱਤਾ ਗਿਆ ਹੈ। ਸਬ-ਇੰਸਪੈਕਟਰ ਕਰਮਜੀਤ ਸਿੰਘ (455/ਫਿਰੋਜ਼ਪੁਰ )ਮੋਗਾ ਪੁਲਿਸ ਵਿੱਚ ਆਪਣੀ ਡਿਓੂਟੀ ਦੌਰਾਨ ਵੱਖ ਵੱਖ ਥਾਣਿਆਂ ਵਿੱਚ ਬਤੌਰ ਥਾਣਾ ਮੁਖੀ ਤਾਇਨਾਤ ਰਿਹਾ ਅਤੇ ਪੁਲਿਸ ਵਿਭਾਗ ਵੱਲੋਂ ਜਾਰੀ ਸੂਚਨਾ ਅਨੁਸਾਰ  ਓੁਕਤ ਸਬ-ਇੰਸਪੈਕਟਰ ਖਿਲਾਫ਼ ਮੁਕੱਦਮਾ ਨੰਬਰ 52(03-05-2021) ਅ/ਧ 306ਵਾਧਾ ਜ਼ੁਰਮ 3/4 ਐਸ.ਸੀ,ਅੈੱਸ.ਟੀ ਅੈਕਟ ਅਤੇ ਮੁਕੱਦਮਾ ਨੰਬਰ 118(23-08-2021) ਅ/ਧ 342ਆਈ.ਪੀ.ਸੀ ਥਾਣਾ ਬੱਧਨੀਂ ਕਲਾਂ ਵਿਖੇ ਦਰਜ ਹਨ ਅਤੇ ਪੁਲਿਸ ਵਿਭਾਗ ਦੀਆਂ ਪੜਤਾਲਾਂ ਵੀ ਪੈਂਡਿੰਗ ਹਨ।ਓੁਕਤ ਸਬ- ਇੰਸਪੈਕਟਰ ਖਿਲਾਫ਼ ਮੁਕੱਦਮੇ ਦਰਜ ਹੋਣ ਅਤੇ ਆਪਣੀ ਨੌਕਰੀ ਤੋਂ ਲਗਾਤਾਰ ਗੈਰ – ਹਾਜ਼ਰ ਰਹਿਣ ਕਾਰਨ ਬੀਤੀ ਪੰਦਰਾਂ ਸਿਤੰਬਰ ਨੂੰ ਪੁਲਿਸ ਵਿਭਾਗ ਵੱਲੋਂ ਜ਼ਬਰੀ ਸੇਵਾ ਮੁਕਤ ਕਰ ਦਿੱਤਾ ਗਿਆ ।     ਜ਼ਿਕਰਯੋਗ ਹੈ ਕਿ ਕਰਮਜੀਤ ਸਿੰਘ ਦੇ ਥਾਣਾ ਬੱਧਨੀਂ ਕਲਾਂ ਤੈਨਾਤੀ ਦੌਰਾਨ ਲੋਪੋ ਪੁਲਿਸ ਚੌਂਕੀ ਦੇ ਸਹਾਇਕ ਥਾਣੇਦਾਰ  ਸਤਿਨਾਮ ਸਿੰਘ ਨੇ ਆਤਮਹੱਤਿਆ ਕਰ ਲਈ ਸੀ ਅਤੇ ਓਹਨਾਂ ਨੇ ਦੋਸ਼ ਲਗਾਇਆ ਸੀ ਕਿ ਥਾਣਾ ਮੁਖੀ ਕਰਮਜੀਤ ਸਿੰਘ ਵੱਲੋਂ ਓੁਸਨੂੰ ਲਗਾਤਾਰ ਮਾਨਸਿਕ ਤੌਰ ਤੇ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਸੀ।ਇਸਤੋਂ ਇਲਾਵਾ ਇੱਕ ਹੋਰ ਮਾਮਲੇ ਵਿੱਚ ਜਿਲ੍ਹਾ ਕਾਂਗਰਸ ਦੇ ਦੋ ਸੀਨੀਅਰ ਮੀਤ ਪ੍ਰਧਾਨਾਂ ਸੁਰਜੀਤ ਸਿੰਘ ਮੀਤਾ ਰਣੀਆਂ ਅਤੇ ਜਸਵੰਤ ਸਿੰਘ ਪੱਪੀ ਰਾਓੂਕੇ ਨੂੰ 306 ਦੇ ਪਰਚੇ ਵਿੱਚ ਗਲਤ ਢੰਗ ਨਾਲ ਨਾਮਜ਼ਦ ਕਰਨ ਦੇ ਦੋਸ਼ ਵੀ ਲੱਗੇ ।ਜਿਸਤੋਂ ਬਾਅਦ ਇਨ੍ਹਾਂ ਕਾਂਗਰਸੀ ਆਗੂਆਂ ਨੇ ਆਪਣੇ ਆਪ ਨੂੰ ਬੇ-ਕਸੂਰ ਦੱਸਦਿਆਂ ਮਾਣਯੋਗ ਹਾਈਕੋਰਟ ਦਾ ਦਰਵਾਜ਼ਾ ਖੜਕਾਇਆ।ਜਿਸ ਓੁਪਰੰਤ ਮਾਣਯੋਗ ਹਾਈਕੋਰਟ ਨੇ ਇਸ ਮਾਮਲੇ ਦਾ ਗੰਭੀਰ ਨੋਟਿਸ ਲਿਆ ।ਦੱਸਣਾ ਬਣਦਾ ਹੈਕਿ 1985ਵਿੱਚ ਬਤੋਰ ਸਿਪਾਹੀ ਭਰਤੀ ਹੋਏ ਕਰਮਜੀਤ ਸਿੰਘ ਦਾ ਹਾਲੇ ਤਿੰਨ ਸਾਲ ਦਾ ਕਾਰਜਕਾਲ ਬਾਕੀ ਸੀ ।ਪ੍ਰੰਤੂ ਜਿਲ੍ਹਾ ਪੁਲਿਸ ਨੇ ਇੱਕ ਪ੍ਰੈੱਸ ਨੋਟ ਜਾਰੀ ਕਰਦਿਆਂ ਕਿਹਾ ਕਿ ਪੁਲਿਸ ਮਹਿਕਮੇ ਦਾ ਅਕਸ ਖਰਾਬ ਕਰਨ ਵਾਲੇ ਮੁਲਾਜ਼ਮ ਵਿਰੁੱਧ ਕਾਰਵਾਈ ਕੀਤੀ ਜਾਂਦੀ ਹੈ।

ਕਾਂਗਰਸੀ ਆਗੂਆਂ ਨੇ ਕੀਤਾ ਪੁਲਿਸ ਵਿਭਾਗ ਦਾ ਧੰਨਵਾਦ -:
ਅਦਾਰਾ ਜੁਝਾਰ ਟਾਇਮਜ਼ ਅਤੇ ਜਗਤ ਸੇਵਕ ਨਾਲ ਗੱਲਬਾਤ ਕਰਦਿਆਂ ਜਿਲ੍ਹਾ ਕਾਂਗਰਸ ਕਮੇਟੀ ਮੋਗਾ ਦੇ ਦੋ ਮੀਤ ਪ੍ਰਧਾਨਾਂ ਸੁਰਜੀਤ ਸਿੰਘ ਮੀਤਾ ਰਣੀਆਂ ਅਤੇ ਜਸਵੰਤ ਸਿੰਘ ਪੱਪੀ ਰਾਓੂਕੇ ਨੇ ਕਿਹਾ ਕਿ ਮਾਣਯੋਗ ਹਾਈਕੋਰਟ ਤੋਂ ਬਾਅਦ ਹੁਣ ਪੁਲਿਸ ਵਿਭਾਗ ਤੋਂ ਵੀ ਓੁਹਨਾਂ ਨੂੰ ਇਨਸਾਫ ਮਿਲਿਆ ਹੈ।ਇਸ ਮੌਕੇ ਓੁਹਨਾਂ ਸਹੀ ਫੈਸਲਾ ਲੈਣ ਕਾਰਨ ਜਿਲ੍ਹਾ ਪੁਲਿਸ ਮੁਖੀ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ ।ਓੁਹਨਾਂ ਕਿਹਾ ਕਿ ਜਿਸ ਮਾਮਲੇ ਵਿੱਚ ਓੁਕਤ ਥਾਣਾ ਮੁਖੀ ਨੇ ਸਾਨੂੰ ਨਾਮਜ਼ਦ ਕੀਤਾ ਸੀ,ਓੁਸ ਮਾਮਲੇ ਨਾਲ ਸਾਡਾ ਕੋਈ ਸੰਬੰਧ ਨਹੀਂ ਸੀ ਅਤੇ ਪੂਰਾ ਇਲਾਕਾ ਇਸ ਗੱਲ ਦਾ ਗਵਾਹ ਹੈ ,ਆਖਿਰਕਾਰ ਸੱਚਾਈ ਦੀ ਹੀ ਜਿੱਤ ਹੋਈ ਹੈ।।