ਅਦਾਲਤ ਵਿੱਚ ਚੱਲੀਆਂ ਗੋਲੀਆਂ ਪੇਸ਼ੀ ਭੁਗਤਣ ਆਏ ਗੈਂਗਸਟਰ ਸਮੇਤ 4 ਦੀ ਮੌਤ

ਦਿੱਲੀ ਵਿੱਚ ਦਿਨ ਦਿਹਾੜੇ ਅਦਾਲਤ ਚ ਪੇਸ਼ੀ ਭੁਗਤਣ ਆਏ ਗੈਂਗਸਟਰ ਨੂੰ ਵਕੀਲਾਂ ਦੀ ਵਰਦੀ ਵਿੱਚ ਆਏ ਗੈਂਗਸਟਰਾਂ ਨੇ ਜਤਿੰਦਰ ਉਰਫ ਗੋਗੀ ਦੇ ਕਤਲ ਕਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ । ਮਿਲੀ ਜਾਣਕਾਰੀ ਮੁਤਾਬਿਕ ਅੱਜ ਦਿੱਲੀ ਦੀ ਰੋਹਿਣੀ ਅਦਾਲਤ ਵਿੱਚ ਮੋਸਟ ਵਾਂਟੇਡ ਜਤਿੰਦਰ ਉਰਫ ਗੋਗੀ ਦਾ ਦੁਪਹਿਰ ਵੇਲੇ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। । ਇਸ ਗੋਲੀਬਾਰੀ ਵਿੱਚ ਹੁਣ ਤੱਕ 4 ਲੋਕਾਂ ਦੇ ਮਾਰੇ ਜਾਣ ਦੀ ਪੁਸ਼ਟੀ ਹੋ ਚੁੱਕੀ ਹੈ। ਉਨ੍ਹਾਂ ਵਿਚੋਂ ਇਕ ਜਤਿੰਦਰ ਹੈ, ਜਦੋਂ ਕਿ ਦੋ ਹਮਲਾਵਰ ਹਨ ਜੋ ਜਤਿੰਦਰ ‘ਤੇ ਹਮਲਾ ਕਰਨ ਆਏ ਸਨ।

ਤਿਹਾੜ ਜੇਲ੍ਹ ਵਿੱਚ ਬੰਦ ਜਤਿੰਦਰ ਉਰਫ਼ ਗੋਗੀ ਨੂੰ ਸ਼ੁੱਕਰਵਾਰ ਨੂੰ ਪੇਸ਼ੀ ਲਈ ਲਿਆਂਦਾ ਗਿਆ ਸੀ। ਇਸ ਦੌਰਾਨ ਰੋਹਿਣੀ ਕੋਰਟ ਦੇ ਵਿਹੜੇ ਵਿੱਚ ਬਦਮਾਸ਼ਾਂ ਦੇ ਵਿੱਚ ਗੋਲੀਬਾਰੀ ਹੋਈ। ਦਿੱਲੀ ਪੁਲਿਸ ਦੇ ਅਨੁਸਾਰ, ਦੋ ਹਮਲਾਵਰ ਵਕੀਲ ਬਣ ਕੇ ਅਦਾਲਤ ਦੇ ਵਿਹੜੇ ਵਿੱਚ ਦਾਖਲ ਹੋਏ ਸਨ ਜਿਨ੍ਹਾਂ ਨੇ ਗੈਂਗਸਟਰ ਜਿਤੇਂਦਰ ਉੱਤੇ ਗੋਲੀ ਚਲਾਈ ਸੀ।ਸਪੈਸ਼ਲ ਸੈੱਲ ਦੀ ਟੀਮ ਜਤਿੰਦਰ ਨੂੰ ਅਦਾਲਤ ਦੇ ਕਮਰੇ ਵਿੱਚ ਲੈ ਗਈ ਸੀ, ਜਿੱਥੇ ਇਹ ਘਟਨਾ ਵਾਪਰੀ। ਮੰਨਿਆ ਜਾ ਰਿਹਾ ਹੈ ਕਿ ਦਿੱਲੀ ਦੇ ਟਿੱਲੂ ਗੈਂਗ ਨੇ ਜਿਤੇਂਦਰ ਦਾ ਕਤਲ ਕੀਤਾ ਹੈ। ਮਾਰੇ ਗਏ ਦੋ ਹਮਲਾਵਰਾਂ ‘ਚੋਂ ਇਕ ਰਾਹੁਲ ਹੈ, ਜਿਸ’ ਤੇ 50 ਹਜ਼ਾਰ ਦਾ ਇਨਾਮ ਹੈ। ਜਦੋਂ ਕਿ ਇੱਕ ਹੋਰ ਬਦਮਾਸ਼ ਹੈ।

ਜਿਤੇਂਦਰ ਨੂੰ ਦੋ ਸਾਲ ਪਹਿਲਾਂ ਸਪੈਸ਼ਲ ਸੈੱਲ ਨੇ ਗੁਰੂਗ੍ਰਾਮ ਤੋਂ ਗ੍ਰਿਫਤਾਰ ਕੀਤਾ ਸੀ। ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਦੇ ਅਨੁਸਾਰ, ਜਤਿੰਦਰ ਗੋਗੀ ਨੇ ਅਪਰਾਧ ਦੇ ਜ਼ਰੀਏ ਬਹੁਤ ਸਾਰੀ ਦੌਲਤ ਕਮਾਈ ਸੀ। ਜਤਿੰਦਰ ਗੋਗੀ ਦੇ ਨੈੱਟਵਰਕ ਵਿੱਚ 50 ਤੋਂ ਵੱਧ ਲੋਕ ਹਨ। ਜ਼ਿਕਰਯੋਗ ਹੈ ਕਿ ਜਤਿੰਦਰ ਗੋਗੀ ਨੂੰ ਸਾਲ 2020 ਵਿੱਚ ਗੁਰੂਗ੍ਰਾਮ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ।ਗੋਗੀ ਦੇ ਨਾਲ ਕੁਲਦੀਪ ਫੱਜਾ ਵੀ ਫੜਿਆ ਗਿਆ। ਕੁਲਦੀਪ ਫੱਜਾ ਬਾਅਦ ਵਿੱਚ 25 ਮਾਰਚ ਨੂੰ ਹਿਰਾਸਤ ਵਿੱਚੋਂ ਫਰਾਰ ਹੋ ਗਿਆ ਸੀ। ਫੱਜਾ ਜੀਟੀਬੀ ਹਸਪਤਾਲ ਤੋਂ ਫਰਾਰ ਹੋ ਗਿਆ ਸੀ ਜਿਸ ਤੋਂ ਬਾਅਦ ਉਸਦਾ ਮੁਕਾਬਲਾ ਹੋਇਆ।