ਵੜਿੰਗ ਦਾ ਐਕਸ਼ਨ : ਬਾਦਲਾਂ ਨਾਲ ਸਬੰਧਿਤ ਔਰਬਿਟ ਬੱਸਾਂ ਦੇ ਦਫਤਰ ਕਰਾਏ ਬੰਦ

 ਪੰਜਾਬ ਦੇ ਨਵੇਂ ਬਣੇ ਟਰਾਂਸਪੋਰਟ ਮੰਤਰੀ ਰਾਜਾ ਵੜਿੰਗ ਨੇ ਆਪਣੇ ਵਿਭਾਗ ਦਾ ਕੰਮ ਸਾਂਭਣ ਸਾਰ ਬੱਸ ਸਟੈਂਡਾਂ ਵਿੱਚ ਨਜਾਇਜ਼ ਕਬਜ਼ੇ ਤੇ ਸਫਾਈ ਸਬੰਧੀ ਅਧਿਕਾਰੀਆਂ ਨੂੰ ਹੁਕਮ ਕੀਤੇ ਤੇ ਆਪ ਸਰਕਾਰੀ ਬੱਸਾਂ ਵਿੱਚ ਸਵਾਰ ਹੋ ਕੇ ਸਵਾਰੀਆ ਨਾਲ ਗੱਲ ਵੀ ਕੀਤੀ ਤੇ ਬੱਸਾਂ ਵਿੱਚ ਸਫਰ ਦੌਰਾਨ ਆਉਦੀਆਂ ਸਮੱਸਿਆਵਾਂ ਵੀ ਸੁਣੀਆਂ ।ਇਸ ਤੋਂ ਬਾਅਦ ਵੜਿੰਗ ਹੋਰ ਐਕਸ਼ਨ ਵਿੱਚ ਨਜਰ ਆਇਆ ਤੇ ਬਠਿੰਡਾ ਬੱਸ ਸਟੈਂਡ ਅੰਦਰ ਬਣੇ ਅਕਾਲੀ ਦਲ ਨਾਲ ਸਬੰਧਿਤ ਕੰਪਨੀ ਔਰਬਿਟ ਬੱਸਾਂ ਦੇ ਨਜਾਇਜ਼ ਦਫਤਰ ਵੀ ਬੰਦ ਕਰਵਾਏ   ਪੀਆਰਟੀਸੀ ਦੇ ਅਧਿਕਾਰੀਆਂ ਦੇ ਮੁਤਾਬਿਕ  ਉਨ੍ਹਾਂ ਨੂੰ ਪੰਜਾਬ ਸਰਕਾਰ ਅਤੇ ਟਰਾਂਸਪੋਰਟ ਮੰਤਰੀ ਵੱਲੋਂ ਸਖਤ ਨਿਰਦੇਸ਼ ਹਨ ਕਿ  ਬੱਸ ਸਟੈਂਡ ਦੀ ਜਗ੍ਹਾ ਤੇ ਕੋਈ ਵੀ ਨਾਜਾਇਜ਼ ਕਬਜ਼ਾ ਨਹੀਂ ਹੋਣਾ ਚਾਹੀਦਾ, ਜਿਸ ਦੇ ਚਲਦਿਆਂ  ਪੁਰਾਣੀ ਅਕਾਲੀ ਸਰਕਾਰ ਦੀ ਨਿੱਜੀ ਕੰਪਨੀ  ਔਰਬਿਟ ਦਾ ਦਫ਼ਤਰ ਵੀ ਰਾਤੋ ਰਾਤ ਅਧਿਕਾਰੀਆਂ ਨੇ ਉਥੋਂ ਚੁੱਕ ਦਿੱਤਾ ।

ਗੁਰਜੰਟ ਸਿੰਘ ਚੀਫ ਇੰਸਪੈਕਟਰ ਪੀਆਰਟੀਸੀ ਨੇ ਕਿਹਾ ਕਿ  ਜਿੰਨੇ ਵੀ ਸਰਕਾਰੀ ਜਗ੍ਹਾ ਤੇ ਕਬਜ਼ੇ ਸਨ, ਉਨ੍ਹਾਂ ਨੂੰ ਬੱਸ ਸਟੈਂਡ ਵਿੱਚੋਂ ਹਟਾ ਦਿੱਤਾ ਹੈ। ਪੁਰਾਣੀ ਅਕਾਲੀ ਸਰਕਾਰ  ਦੀ ਕੰਪਨੀ ਔਰਬਿਟ ਦਾ ਵੀ ਇੱਕ ਦਫ਼ਤਰ ਸੀ ਜਿਸ ਨੂੰ ਵੀ ਇੱਥੋਂ ਰਾਤ ਦੇ ਸਮੇਂ ਹਟਾ ਦਿੱਤਾ ਹੈ  ਹੁਣ ਅਸੀਂ ਬੱਸ ਸਟੈਂਡ ਨੂੰ ਸਾਫ਼ ਸੁਥਰਾ ਬਣਾਉਣ ਵੱਲ ਧਿਆਨ ਦੇ ਰਹੇ ਹਾਂ।