ਅੰਮ੍ਰਿਤਪਾਲ ਸੁਖਾਨੰਦ ਨੂੰ ਮਿਲਿਆ ਆਮ ਆਦਮੀ ਪਾਰਟੀ ਦੀ ਹਾਈਕਮਾਂਡ ਤੋਂ ਥਾਪੜਾ, ਹੋ ਸਕਦੇ ਹਨ ਬਾਘਾਪੁਰਾਣਾ ਤੋਂ ਉਮੀਦਵਾਰ

ਬਾਘਾਪੁਰਾਣਾ 6 ਜੂਨ (ਪ.ਪ.) :  ਪੰਜਾਬ ਅੰਦਰ ਚੋਣਾਂ  ਦਾ ਬਿਗਲ ਵੱਜ ਚੁੱਕਾ ਹੈ ਤੇ ਜਿਸਦੇ ਚਲਦੇ ਵੱਖ ਵੱਖ ਸਿਆਸੀ ਪਾਰਟੀਆਂ ਨੇ ਆਪਣੀਆਂ ਸਰਗਰਮੀਆਂ ਤੇਜ ਕਰ ਦਿੱਤੀਆਂ ਹਨ, ਇਸੇ ਤਹਿਤ ਹੀ ਭਰੋਸੇਯੋਗ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਪਤਾ ਲੱਗਾ ਹੈ ਕਿ ਆਮ ਆਦਮੀ ਪਾਰਟੀ ਵਲੋਂ  ਗਰਾਉਂਡ ਪੱਧਰ ਤੇ ਕਰਵਾਏ ਸਰਵੇ ਦੀ ਪੱਕੀ ਰਿਪੋਰਟ ਦਿਲੀ ਹਾਈ ਕਮਾਂਡ ਕੋਲ ਪਹੁੰਚ ਚੁੱਕੀ ਹੈ ਤੇ ਉਸ ਸਰਵੇ ਵਿਚ ਸਭ ਤੋਂ ਵੱਧ ਪ੍ਰਤੀਸ਼ਤ ਲੋਕ ਸੁਖਾਨੰਦ ਤੋਂ ਆਮ ਆਦਮੀ ਪਾਰਟੀ ਲਈ ਦਿਨ ਰਾਤ ਇਕ ਕਰਕੇ ਕੰਮ ਕਰਨ ਵਾਲੇ ਆਗੂ ਅਮ੍ਰਿਤਪਾਲ ਸਿੱਧੂ ਦੇ ਹੱਕ ਵਿਚ ਭੁਗਤੇ ਹਨ। ਉਥੇ ਹੀ ਇਹ ਵੀ ਜਾਣਕਾਰੀ ਮਿਲੀ ਹੈ ਕਿ ਹਾਈਕਮਾਂਡ ਨੇ ਅੰਮ੍ਰਿਤਪਾਲ ਸਿੱਧੂ ਨੂੰ ਦੱਬ ਕੇ ਕੰਮ ਕਰਨ ਦਾ ਥਾਪੜਾ ਵੀ ਦਿੱਤਾ ਹੈ। ਰਸਮੀ ਤੌਰ ਤੇ ਬੇਸ਼ਕ ਅਜੇ ਤੱਕ ਬਾਘਾਪੁਰਾਣਾ ਤੋਂ ਕਿਸੇ ਵੀ ਵਿਅਕਤੀ ਨੂੰ ਉਮੀਦਵਾਰ ਵਜੋਂ ਪਾਰਟੀ ਨੇ ਨਹੀਂ ਐਲਾਨਿਆ ਹੈ ਪਰ ਸਗੋਂ ਸੰਭਾਵੀ ਉਮੀਦਵਾਰ ਅਮ੍ਰਿਤਪਾਲ ਸਿੱਧੂ ਦੇ ਹੋਣ ਦੀ ਹੀ ਸਭ ਤੋਂ ਜਿਆਦਾ ਉਮੀਦ ਜਤਾਈ ਜਾ ਰਹੀ ਹੈ। ਜਦੋਂ ਇਸ ਸਬੰਧੀ ਅਮ੍ਰਿਤਪਾਲ ਸਿੱਧੂ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਕੁਝ ਵੀ ਕਹਿਣ ਤੋਂ ਇਨਕਾਰ ਕੀਤਾ ਅਤੇ ਉਮੀਦ ਜਤਾਈ ਕਿ ਉਨ੍ਹਾਂ ਦੁਆਰਾਂ ਕੀਤੀ ਦਿਨ ਰਾਤ ਮਿਹਨਤ ਨਾਲ ਪਾਰਟੀ ਦਾ ਗ੍ਰਾਫ ਬਾਘਾਪੁਰਾਣਾ ਵਿਚ ਹੋਰ ਉਚਾ ਹੋਵੇਗਾ। ਇਥੇ ਹੀ ਤੁਹਾਨੂੰ ਦੱਸ ਦਈਏ ਕਿ ਪਿਛਲੀ ਵਿਧਾਨ ਸਭਾ ਚੋਣ ਦੌਰਾਨ ਬਾਘਾਪੁਰਾਣਾ ਤੋਂ ਹਲਕੇ ਦੇ ਬਾਹਰੋਂ ਉਮੀਦਵਾਰ ਹੋਣ ਕਰਕੇ ਵੱਡਾ ਨੁਕਸਾਨ ਹੋਇਆ ਸੀ ਪ੍ਰੰਤੂ ਉਸਦੇ ਬਾਵਜੂਦ ਵੀ ਇਥੋਂ ਪਾਰਟੀ ਦਾ ਉਮੀਦਵਾਰ ਚੰਗੀ ਵੋਟ ਪ੍ਰਤੀਸ਼ਤ ਲੈ ਗਿਆ ਸੀ, ਜੇਕਰ ਬੁੱਧੀਜੀਵੀ ਜਾਂ ਰਾਜਨੀਤਿਕ ਮਾਹਿਰਾਂ ਦੀ ਮੰਨੀਏ ਤਾਂ ਜੇਕਰ ਪਾਰਟੀ ਲੋਕਲ ਉਮੀਦਵਾਰ ਇਸ ਹਲਕੇ ਤੋਂ ਦਿੰਦੀ ਹੈ ਉਸਦੀ ਜਿੱਤ ਦੇ ਚਾਂਸ ਕਾਫੀ ਵੱਧ ਜਾਣਗੇ। ਇਥੇ ਹੁਣ ਦੇਖਣਾ ਇਹ ਹੋਵੇਗਾ ਕਿ ਆਉਣ ਵਾਲੇ ਸਮੇਂ ਦੌਰਾਨ ਆਮ ਆਦਮੀ ਪਾਰਟੀ ਕੀ ਅਮ੍ਰਿਤਪਾਲ ਸਿੱਧੂ ਨੂੰ ਆਪਣਾ ਉਮੀਦਵਾਰ ਐਲਾਨਦੀ ਹੈ ਜਾਂ ਨਹੀਂ ਇਹ ਆਉਣ ਵਾਲਾ ਸਮਾਂ ਹੀ ਦੱਸੇਗਾ।