ਪੈਸੇ ਦੇ ਲਾਲਚ ਨੇ ਰਿਸ਼ਤੇ ਨੂੰ ਕੀਤਾ ਤਾਰ-ਤਾਰ, ਪਤੀ ਨੇ ਆਵਦੀ ਪਤਨੀ ਨੂੰ ਭੈਣ ਬਣਾ ਕੇ ਦੂਜੇ ਵਿਅਕਤੀ ਨਾਲ ਕਰਾਇਆ ਉਸਦਾ ਵਿਆਹ

ਕੋਟਾ- ਪੈਸੇ ਦੇ ਲਾਲਚ ਵਿੱਚ ਆ ਕੇ ਇਨਸਾਨ ਰਿਸ਼ਤੇ ਨਾਤੇ ਵੀ ਭੁੱਲ ਜਾਂਦਾ ਹੈ ਤੇ ਇਸ ਤਰ੍ਹਾਂ ਦੇ ਕੰਮ ਕਰ ਜਾਂਦਾ ਹੈ ਬਾਅਦ ਵਿੱਚ ਪਛਤਾਵਾ ਹੀ ਰਹਿ ਜਾਂਦਾ ਹੈ ਰਾਜਸਥਾਨ ਕੋਟਾ ਕੁਹਾਂੜੀ ਇਲਾਕੇ ਵਿਚ ਪੈਸੇ ਦੇ ਲਾਲਚ ‘ਚ ਪਤੀ ਨੇ ਆਪਣੀ ਪਤਨੀ ਨੂੰ ਭੈਣ ਬਣਾ ਕੇ ਕਿਸੇ ਹੋਰ ਨੌਜਵਾਨ ਨਾਲ ਉਸ ਦਾ ਵਿਆਹ ਕਰਵਾ ਦਿੱਤਾ ਅਤੇ 1.80 ਲੱਖ ਰੁਪਏ ਹੜਪ ਲਏ। ਦੋਸ਼ੀ ਪਤੀ ਨੇ ਆਪਣੀ ਪਤਨੀ ਨੂੰ ਭੈਣ ਬਣਾ ਕੇ ਅਦਾਲਤ ਵਿੱਚ ਲਿਜਾ ਕੇ ਗਵਾਹੀ ਦਿੱਤੀ। ਵਿਆਹ ਦੇ ਨਾਮ ‘ਤੇ ਠੱਗੀ ਮਾਰਨ ਦਾ ਗੁਨਾਹ ਕਰ ਕੇ ਉਹ ਫਰਾਰ ਹੋਣ ਦੀ ਤਿਆਰੀ ‘ਚ ਸੀ, ਪਰ ਲਾੜੇ ਦੀ ਸ਼ਿਕਾਇਤ ‘ਤੇ ਪੁਲਿਸ ਨੂੰ ਪਤੀ ਸਮੇਤ ਤਿੰਨ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।

ਜਾਣਕਾਰੀ ਅਨੁਸਾਰ ਕੋਟਾ ਦੀ ਕਾਲੀ ਬਸਤੀ ਵਾਸੀ ਪੀੜਤ ਆਟੋ ਚਾਲਕ ਰਵੀ ਨਗਰ ਵਾਸੀ ਦਾ ਵਿਆਹ ਨਹੀਂ ਹੋ ਰਿਹਾ ਸੀ, ਜਿਸ ਕਾਰਨ ਉਹ ਚਿੰਤਤ ਸੀ। ਪੀੜਤ ਰਵੀ ਨੇ ਗੁਆਢੀਆਂ ਰਾਹੀਂ ਦੇਵਰਾਜ ਨੂੰ ਆਪਣਾ ਵਿਆਹ ਕਰਵਾਉਣ ਲਈ ਮਿਲਿਆ ਸੀ। ਜਦੋਂ ਦੇਵਰਾਜ ਸੁਮਨ ਨੂੰ ਪਤਾ ਲੱਗਿਆ ਕਿ ਰਵੀ ਦਾ ਵਿਆਹ ਨਹੀਂ ਹੋ ਰਿਹਾ ਹੈ, ਤਾਂ ਉਸਨੇ ਰਵੀ ਦਾ ਇੰਦੌਰ ਵਿੱਚ ਵਿਆਹ ਕਰਵਾਉਣ ਦੀ ਗੱਲ ਕੀਤੀ। ਰਵੀ ਨੇ ਵਿਆਹ ਲਈ ਪੈਸੇ ਦਾ ਇੰਤਜ਼ਾਮ ਕਰਨ ਲਈ ਪਿੰਡ ਦੀ ਜ਼ਮੀਨ ਨੂੰ 2 ਲੱਖ ਗਹਿਨੇ ਰੱਖ ਦਿੱਤੀ। ਵਿਚੋਲਾ ਦੇਵਰਾਜ ਨਾਲ ਮੁਲਾਕਾਤ ਤੋਂ ਕੁਝ ਦਿਨਾਂ ਬਾਅਦ ਹੀ ਰਿਸ਼ਤਾ ਲਿਆਇਆ। ਉਸਨੇ ਇੰਦੌਰ ਦੀ ਕੋਮਲ ਨਾਮਕ ਲੜਕੀ ਨਾਲ ਵਿਆਹ ਕਰਵਾਉਣ ਦੀ ਗੱਲ ਕੀਤੀ।

ਦੋਵੇਂ 20 ਜੂਨ ਨੂੰ ਮਿਲੇ, ਦੇਵਰਾਜ ਨੇ ਦੱਸਿਆ ਕਿ ਲੜਕੀ ਦਾ ਕਿਤੇ ਵੀ ਵਿਆਹ ਨਹੀਂ ਹੋਇਆ ਹੈ। ਉਸੇ ਦਿਨ ਰਵੀ ਨੇ ਦੇਵਰਾਜ ਨੂੰ 1 ਲੱਖ 80 ਹਜ਼ਾਰ ਰੁਪਏ ਦਿੱਤੇ। 21 ਜੂਨ ਨੂੰ ਦੇਵਰਾਜ ਨੇ ਰਵੀ ਨੂੰ ਵਿਆਹ ਲਈ ਅਦਾਲਤ ਵਿੱਚ ਬੁਲਾਇਆ। ਦੇਵਰਾਜ ਨੇ ਦੋਵਾਂ ਦੀ ਕੋਰਟ ਮੈਰਿਜ ਕਰਵਾ ਦਿੱਤੀ। ਕੋਮਲ ਦਾ ਪਤੀ ਸੋਨੂੰ ਨੂੰ ਗਵਾਹ ਵਜੋਂ ਭਰਾ ਬਣ ਗਿਆ। ਇਸ ਤੋਂ ਬਾਅਦ ਉਹ ਘਰ ਪੁੱਜੇ ਅਤੇ ਸੱਤ ਫੇਰੇ ਵੀ ਲਏ। 22 ਜੂਨ ਨੂੰ ਕੋਮਲ ਨੇ ਰਵੀ ਨੂੰ ਬਾਹਰ ਚਲਣ ਲਈ ਆਖਿਆ, ਪਰ ਰਵੀ ਨੇ ਇਨਕਾਰ ਕਰ ਦਿੱਤਾ। ਰਵੀ ਨੂੰ ਉਸ ਦੀਆਂ ਹਰਕਤਾਂ ਸ਼ੱਕੀ ਲੱਗੀਆਂ ਅਤੇ ਉਸਨੇ ਆਪਣੀ ਭੈਣ ਨਾਲ ਗੱਲ ਕੀਤੀ। ਭੈਣ ਨੇ ਰਵੀ ਨੂੰ ਆਪਣੇ ਘਰ ਬੁਲਾਇਆ। 23 ਜੂਨ ਨੂੰ ਕੋਮਲ ਰਵੀ ਦੇ ਭੈਣ ਦੇ ਘਰ ਗਈ । ਜਦੋਂ ਰਵੀ ਦੀ ਭੈਣ ਨੇ ਪੁੱਛਗਿੱਛ ਕੀਤੀ ਤਾਂ ਕੋਮਲ ਨੇ ਸਾਰੀ ਗੱਲ ਦੱਸੀ। ਕੋਮਲ ਨੇ ਦੱਸਿਆ ਕਿ ਉਹ ਵਿਆਹੀ ਹੈ। ਉਸ ਦੇ ਦੋ ਬੱਚੇ ਵੀ ਹਨ। ਹੁਣ ਤਿੰਨ ਮਹੀਨਿਆਂ ਤੋਂ ਗਰਭਵਤੀ ਹੋਣ ਦੀ ਗੱਲ ਕੀਤੀ। ਇਸ ਤੇ ਰਵੀ ਅਤੇ ਉਸਦੀ ਭੈਣ ਡਰ ਗਏ ਅਤੇ ਤੁਰੰਤ ਕੁਨਹਾੜੀ ਥਾਣੇ ਲੈ ਗਏ ਅਤੇ ਇਸ ਬਾਰੇ ਜਾਣਕਾਰੀ ਦਿੱਤੀ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਕੋਮਲ ਅਤੇ ਉਸਦਾ ਭਰਾ ਬਣਿਆ ਪਤੀ ਸੋਨੂੰ ਅਤੇ ਦਲਾਲ ਦੇਵਰਾਜ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।