ਪੁਲਿਸ ਦਾ ਵੱਡਾ ਉਪਰਾਲਾ, 850 ਲੋਕਾਂ ਦੇ ਗੁੰਮ ਹੋਏ ਫੋਨ ਲੱਭਕੇ ਕੀਤੇ ਵਾਪਿਸ

ਬਰਨਾਲਾ 21 ਅਗਸਤ : ਬਰਨਾਲਾ ਪੁਲਿਸ ਦੁਆਰਾ ਸਾਈਬਰ ਸੈਲ ਦੀ ਮਦਦ ਨਾਲ ਗੁੰਮ ਹੋਏ ਫੋਨਾਂ ਨੂੰ ਲੱਭਣ ਲਈ ਇਕ ਮੁਹਿੰਮ ਚਲਾਈ ਗਈ। ਲੋਕਾਂ ਦੁਆਰਾ ਦਿੱਤੀਆਂ ਗਈਆਂ ਦਰਖਾਸਤਾਂ ਨੂੰ ਮੁੱਖ ਰੱਖਦਿਆਂ ਬਰਨਾਲਾ ਪੁਲਿਸ ਨੇ ਤਕਰੀਬਨ 850 ਫੋਨ ਲੱਭਣ ਵਿਕਹ ਸਫਲਤਾ ਹਾਸਿਲ ਕੀਤੀ। ਜੇਕਰ ਉਕਤ ਲੱਭੇ ਮੋਬਾਈਲਾਂ ਦੀ ਕੀਮਤ ਦੀ ਗੱਲ ਕਰੀਏ ਤਾਂ ਮਾਰਕੀਟ ਵਿਚ ਤਕਰੀਬਨ ਡੇਢ ਕਰੋੜ ਰੁਪਏ ਤੋਂ ਉੱਪਰ ਬਣਦੀ ਹੈ। ਇਸ ਸਬੰਧੀ ਐਸਪੀ ਜਗਵਿੰਦਰ ਸਿੰਘ ਚੀਮਾ ਨੇ ਕਿਹਾ ਕਿ ਐਸਐਸਪੀ ਬਰਨਾਲਾ ਸੰਦੀਪ ਗੋਇਲ ਦੀ ਅਗਵਾਈ ਵਿੱਚ ਬਰਨਾਲਾ ਪੁਲਿਸ ਵਲੋਂ ਮਿਸ਼ਨ ਬਣਾ ਕੇ ਗੁੰਮ ਹੋਏ ਫੋਨ ਲੱਭੇ ਜਾ ਰਹੇ ਹਨ। ਜਿਸ ਤਹਿਤ ਅੱਜ ਮੁੜ 110 ਲੋਕਾਂ ਨੂੰ ਉਹਨਾਂ ਦੇ ਮਹਿੰਗੇ ਸਮਾਰਟ ਫੋਨ ਸੌਂਪੇ ਗਏ ਹਨ।ਪੁਲਿਸ ਦੁਆਰਾ ਕੀਤੇ ਉਕਤ ਉਪਰਾਲੇ ਬਾਅਦ ਲੋਕਾਂ ਵਿਚ ਖੁਸ਼ੀ ਦੀ ਲਹਿਰ ਦੇਖਣ ਨੂੰ ਮਿਲ ਰਹੀ ਹੈ।